Sabado, Hunyo 27, 2009

..sampung taon...

sampung taon na din ang nakakalipas ng huli kong makita ang ilan sa kanila...nakakatuwang isipin na sa tagal ng panahon nagdaan, hindi pa din sila nakakalimot sa apat na taong pinagsamahan sa paaralan... mga taong puno ng mga ala-alang naging bahagi na ng aming pagkatao... sampung taon na ang lumipas...may mga nabago... hindi iyon maiiwasan.... pero hindi nito mababago ang pakakaibigan na hindi na mawawaglit sa puso ng bawat isa...

dalawangpu't pitong taon gulang na kaming lahat...taong isang libo siyam na raan, siyamnapu't siyam ng sabay-sabay naming lisanin ang paaralan...ang paaralang humubog hindi lamang ng aming isipan kundi ng aming kabuuan...napakasarap balikan ang mga ala-alang puno ng kalokohan at kapilyuhan...hindi mo maaiwasan na mapapangiti ka nito ng saglit ng hindi mo namamalayan... nakakatuwang balikan ang panahon ng pakikipagkopyahan kapag exam....ang pagbibigay ng mga bansag sa mga guro...ang pang-aasar sa mga guro... ang pakikipagbatuhan ng erase at chalk... ang paglalaro ng sipa at patintero bago pumasok sa klase ng pawisan...ang paggising ng umaga para umabot sa flag ceremony... ang masayang pamumukpok ng guidance teacher sa mga estudyanteng mahahaba ang buhok... syempre hindi mo din malilimutan ang pag-cucut ng klase at pag-akyat sa bakod ng paaralan... sino naman ang makakalimot sa mga teachers na paborito kang patayuin sa klase dahil hindi mo nasagot ang tanong nila...hindi mo din makakaligtaan ang ginawang pagtakas sa likuran habang nagklaklase ang guro dahil may usapan kayong magkita ng iyong nililigawan...sino ang makakalimot sa mga magaganda at seksi mong kaklase at schoolmate...hindi mo din siguro makakaligtaan ang pagbusted sa iyo ng crush mo o ang pagtakbo nito habang palapit ka... yung tipong mukha kang stalker... hindi mo din makakalimutan ang inyong mga first time...first kiss, first dance, first busted...first date, first laklakan....

ilan lamang ang mga iyan sa libo-libong masasayang alaala noong tayo ay nasa mataas na paaralan pa...mga alaalang naging parte na ng aming sistema...ng aking sistema...nakakatuwa dahil lumipas na ang sapung taon...heto pa din kami...bagama't may ilang nawala...halos nandito pa din ang karamihan... ang youtube video na akin pong ibinahagi sa inyo ay aming kuha ng kami ay gumala sa malolos, bulacan at inuman sa N20 bar...opo, tama inuman po iyon... alam kong alam nyo na hindi ako umiinom (ng alak)... pero hindi po ako KJ...at dahil minsan lang yun sa sampung taon...marapat lamang ay pagbigyan ko sila... sampung taon...ang iba sa amin may asawa na...may anak na...ilan na lamang ang single... ilan sa kanila ang nagkatuluyan pagkalipas ng matagal na panahon ng pagsasama at pakakakilala...si ben at rose...mavic at VP...regie at nerilyn...kung may hahangaan man akong mga nag-iibigan... sila iyon... apat na taon sa high school...at nanatiling matatag hanggang sa ngayon...mahigit sa sampung taon na pagsasamahan, mahigit sa sampung taon na pagiibigan... hindi mo aakalain na sa finals sila pa din ang magkikita...bow ako sa kanila... kung may mga ganitong kwento meron din mga pares na hindi naging sila sa dulo... hindi man nagkatuluyan...naging masaya naman sa kanya kanyang landas na tinahak...

sampung taon...hanggang sa susunod na sampung taon... magkikita-kita pa din tayo... ^_^




Sabado, Hunyo 20, 2009

...Happy Father's Day....

...para sa inyo talaga ang araw na ito... kahit masakit ang ulo dahil sa aking paggala kagabi kasama ang aking mga high school classmates, kailangan ko kayong batiin at bigyan papugay sa inyong mga paghihirap at pagsisilbi bilang isang ama...

sa lahat ng tatay, Happy Father's Day sa inyo...sa aking ama at ama ni Grasya na tumatagay na ng Matador sa langit...Happy Father Day's po sa inyo... hindi ko na po hahabaan ang entry na ito dahil hangad lamang ng inyong lingkod na kayo'y batiin sa espesyal na araw na ito...

ang kwento ng aking paggala nitong weekend mga kapatid na blogero't blogera...ay aking ikwekwento din sa inyo kapag nailabas na ang aming mga larawan...10 years ang nakalipas..parang walang nabago bukod sa iba't ibang kwento... :)

...at muli, sa lahat ng Ama, isang pagpupugay, mabuhay kayo... Happy Father's Day!


~~~~~****~~~~~~

Dance With My Father




Back when I was a child
Before life removed all the innocence
My father would lift me high
And dance with my mother and me
And then
Spin me around 'till I fell asleep
Then up the stairs he would carry me
And I knew for sure
I was loved

If I could get another chance
Another walk
Another dance with him
I'd play a song that would never ever end
How I'd love love love
To dance with my father again

When I and my mother
Would disagree
To get my way I would run
From her to him
He'd make me laugh just to comfort me
yeah yeah
Then finally make me do
Just what my mama said
Later that night when I was asleep
He left a dollar under my sheet
Never dreamed that he
Would be gone from me

If I could steal
One final glance
One final step
One final dance with him
I'd play a song that would never ever end
Cause I'd love love love to
Dance with my father again

Sometimes I'd listen outside her door
And I'd hear how mama would cry for him
I'd pray for her even more than me
I'd pray for her even more than me

I know I'm praying for much to much
But could you send her
The only man she loved
I know you don't do it usually
But Dear Lord
She's dying to dance with my father again

Every night I fall asleep
And this is all I ever dream


Lunes, Hunyo 15, 2009

...alaala ng nakalipas...

...ang susunod po na inyong mababasa ay isa sa aking mga sinulat na kabalbalan noong nasa kolehiyo pa ako... isa itong talumpati (speech) na aking ginawa sa loob ng klase noon... may mga ilang pagkakamaling pangbalarila (grammatical errors) na sadyang hindi ko na binago upang ma-ipreserba ang orihinal nitong sipi ...sana hindi nyo na po pansinin ang mga maliit na pagkakamaling iyon... ang sulating ito ay nailunsad (published) na din sa http://www.authspot.com sa ilalim ng pangalang bladeknight na siya ring pagmamay-ari ng inyong lingkod at ng aking kapatid...

...hindi po talaga ako gumagawa ng mga sulatin sa wikang Ingles sa kadahilanang hindi po ako kumportable... sa kabilang banda ang maikling sulatin na inyong matutunghayan ay isa sa aking pinakapaboritong akda sa wikang hindi ako kumportable...nagawa ko po ang sulating ito noon dahil "no choice"... requirement kaya ito sa isang subject... ahahaha...



We felt so lonely if we missed those persons that are close to our hearts. And the only thing left to us, are those memories they've shared together. That's why we wanted to treasure every bits of moment with them.

During my high school days, I am wondering why most of the people said that being in high school is the most exciting part of life. By that time, I didn't believe that. What is exciting with that? Waking up early in the morning so you won't get stuck with the traffic? And while riding in a cab, you find yourself that you can't enter the school because you forgot your school ID. And then you were now start testing your athletic skills by rushing towards the classroom, and you will found out that your first period teacher was already there giving an unannounced exam. After the terrible brain-draining exam, your teachers will ask you to pay other contributions. As the bell rings, you will go to a small-crowded canteen, and because of that your hunger turns to anger. After the class hours, again, you have to face the terrible rush hour in order to go home. When you reach your home, you were already dead-tired but still you can't rest because you need to finish all those homework and projects. And now, would you call this exciting?

But guys, despite of all these obstacles, our high school experience are part of our life that we might find difficult to forget. After almost four years in high school, all those hassles won't bother you anymore. What matter most is, this is the stage and part of our life when we were introduced to number of experiences like meeting our friends and peers, having fun with them, doing some exciting adventures and falling in love for the very first time.

Some of you many not quite relates of what I am saying but surely there would be a time in your life you will say, “Hey, that guy was right!”

note: wala po ako ngayon, nasa PRC po ako upang i-renew ang lisensya na hindi ko pa din nagagamit bilang isang propesyonal na guro ng matematika...wag kayong mag-alala, babalik ako agad at mag-iingat sa banta ng A(H1N1)... :D

Biyernes, Hunyo 12, 2009

...gintuang sundang...

...alas-onse na nga gabi ngunit hindi pa din ako dinadalaw ng antok...samu't sari ang pumapasok sa aking diwa...mga problema sa mundo, pangarap sa buhay, pag-ibig... sobrang dami...halo-halo...

...palalim na talaga ang gabi, pero biling-baliktad pa din ako sa higaan...hindi talaga ako makatulog... magkagayun man pilit ko pa ding pinikit ang talukap ng aking mata... nasa posisyong ang aking braso ay nasa noo habang nakapikit ng maramdaman kong biglang lumiwanag ang paligid... nakakasilaw na liwanag...bahagya kong iminulat ang aking mata... isang magandang dilag na nakatunghay sa aking pagkakaidlip... napabalikwas ako sa aking higaan...gulat man, sya'y tahimik kong pinagmasdan...hindi sya umimik ngunit inaabot nya sa aking ang isang sundang na may ginintuang talim...

"Grace, ikaw ba yan?..para saan ito?", pabulong kong imik... ngunit yumuko lamang sya at marahang nagsabi na ako ang kanyang pinili upang magapi ang mga mandirigmang Kilaw na sumisira sa balanse ng mundo...

"balanse ng mundo?... kilaw?...gapiin?"...sunod-sunod kong tanong... "oo, nasa iyo ang kapangyarihan, gamit ang sundang na iyan, mapipigilan mo ang pagsira sa balanse ng mundo", wika ng dilag... iyon lamang at bigla itong naglaho sa aking harapan...

... gulat at lito akong naiwan sa aking kinatatayuan...nalilito at nag-iisip, bumalik ako sa higaan, at muling ipinikit ang mga mata...at nang sandaling imulat ko ang aking mata, nasa pagitan na ako ng isang digmaan... digmaan sa pagitan ng tao at mga kilaw...mga kilaw na may kakaibang itsura na animo'y mga taong alimango na may pakpak ng katulad sa paniki... ang buntot nila'y katulad sa mga pagi na mistulang may lason kung ikaw ay matataman n'yon...

...magulo at madilim paligid...kaliwa't kanan ang panaghoy, iyakan...mga nasusunog na bahay, bumabaha ng dugo ng mga tao at kilaw... wala na akong nagawa kundi gamitin ang ginintuang sundang... aking hinarap at pinaslang ang mga kilaw sa aking daraanan...isa, dalawa, tatlo... ang dami nila...libo-libo... matagal ang labanan, parang daang taon ang lumilipas...ngunit tila ba hindi din ako makaramdam ng pagod o maging gutom... patuloy akong lumalaban gamit ang ginintuang sundang... sa patuloy kong pagtakbo at pakikipaglaban, nakarating ako sa isang kweba... hindi katulad ng aking mga nadaan, tahimik ang kwebang iyon...nagtataka man, pumasok ako sa loob ng may makita akong liwanag sa dulong bahagi nito... at muli, nakita ko ang magandang dilag...

pinagmasdan nya ako...at tinanong... "bakit mo ginamit ang ginintuang sundang sa pagkitil ng buhay?... ang iyong mga pinaslang ay maaaring ang iyong mga kamag-anak, kapatid, magulang o ang iyong pinakamamahal..." ... "sinabi ko na gamitin mo ang sundang upang gapiin ang kilaw, ngunit hindi nangangahulugan na sila ay iyong papaslangin...".... gulat at napakunot noo ako sa kanyang sinabi, "ano ang gagawin ko kung hindi ko sila papatayin?" .... kalmadong muling nagwika ang magandang dilag, "kahit kailangan hindi naging solusyon ang pagpaslang ng walang pakundangan gamit ang kapangyarihan sa pagsasaayos ng suliranin sa mundo..." ..."ang ginituang sundang na iyan ay kabilang sa iyong bahagi... alam kong alam mo ang ibig kong sabihin.." at muli, tuluyan na naman itong naglaho sa aking harapan...

lumabas ako ng kweba...wala na ang kaguluhan...tahimik ang paligid... tumingala ako sa langit... "tak..." .... "tak...tak..tak"... umuulan.. malakas ang ulan...

...nagulat ako sa lakas ng biglaang buhos ulan... 5:30 na pala, mabuti na lang walang pasok ngayon kung hindi mala-late ako nito... panaginip nga naman oh...Friday pala...June 12... Independence Day...

"Ang bawat tao ay may kalayaan na gawin ang naiisin, ngunit may kaakibat itong tungkulin... Ating gamitin ang ginintuang sundang sa pagkamit ng tunay na kalayaan... ang biyayang talas ng isipan at ginintuang puso para sa bayan..." ---SuperG

Happy Independence Day sa lahat!


Lunes, Hunyo 8, 2009

...Kapitan Sino?...

bakit nawala ako? bakit ako nawala?.... hindi ako nawala, sumisilip pa din ako sa inyong mga blog pero bukod dun medyo naging abala lamang ako sa ilang mga bagay.... isa na rito ang pagbabasa sa ika-pitong aklat ni pareng Bob Ong... ang "Kapitan Sino"....

mula sa huling aklat na McArthur ni pareng Bob Ong, nagkatotoo ang aking hinala na hindi pa iyon ang huli nyang aklat....ang totoo nyan hindi ko talaga alam kung bakit McArthur ang titulo ng ika-anim nyang aklat...walang koneksyon ang McArthur sa kwentong nakapaloob doon...pero noon pa man si McArthur ay kilala sa kanyang mga salitang "I shall return"... at yun na nga, ang mga kwento ni pareng Bob Ong ay muling nagbalik...

..mahusay ang pagkakagawa ng aklat na "Kapitan Sino"...masasabi kong nandun yung mga konteksto ng salitang "pinaghirapan"... pero bakit? ... bakit ang dami nitong koneksyon sa akin o baka sa inyo din? ... ang totoo nyan may mga ilang paglalarawan sa aklat na nagpapahayag ng tunay na edad ng may-akda...sa aking palagay nasa mahigit tatlumpung gulang na si pareng Bob Ong... tamang edad upang ilarawan ang mga pangyayari noon...mga pangyayari bago pa man ako ipanganak....

....pero bakit? ... bakit ang pangalan ng bida sa kwento ng kanyang obra ay sobrang lapit sa tunay kong pangalan? bakit ang unang apat na titik nito ay sya ring unang apat na titik ng aking pangalan?... minsan na din akong tinawag sa ganoong pangalan, ilan mula sa aking mga kaopisina at sa aking nanay... bakit ang bida dito ay nagmistulang ninja sa ilang pagkakataon... si SuperGulaman, ay naging ninja na din noon pa man... bakit naging paborito nya si "The flash"? bukod sa paborito ko ito, ito rin ang taguri sa akin noon una akong sumabak sa isang liga noon... bakit may commercial ng YC brief?... yun ang paborito kong panloob noon pa man...at hanggang sa ngayon yun din pa din brand ng aking panloob na ginagamit... bakit ganun ang takbo at katapusan ng kwento? bakit namatay ang bida?... ang totoo nyan ito ang hinahanap ko sa kwento, alam ito ng mga taong nakakakilala sa akin...sa ilang mga kwento na aking nabuo...laging patay ang bida...kahit ang mga kwento sa telebisyon, lagi kong sinisingit na namatay ang bida kahit walang katotohan...morbid daw ako, sabi nila... pero hindi dahil morbid ako, kundi dahil gusto kong maging makulay ang lahat ng kwento ng pagwawakas...

...hindi ako kilala ni pareng Bob Ong...at hindi ko din sya kilala...maging si Bok-bok at Teng ay hindi ko kilala... pero ako...kilala nyo ba ako?

"...kilala nyo ako, kilala nyo ako...kilala nyo ako... ako ang kapitbahay-kapitbahay ninyo... "

ang mga linyang iyan ay mula sa programang "Batibot" na sadyang muling ibinahagi ni pareng Bob Ong upang balikan ang masasayang panhon ng mga 70s, 80s at 90s babies...kung hindi mo kilala sina Ning-ning, Ging-ging, pong pagong, kiko matsing at kuya bojie...kawawa ka naman... ahahaha...

...hindi ko alam kung bakit Kapitan Sino ang ngalan ng kakaibang superhero ni pareng Bob Ong... ngunit siguro katulad ko din... gustong magpakilala ng lubusan, ngunit natatakot na tanging makilala lamang ang panlabas na kaanyuan...at hindi ang tunay na pagkatao...ang tunay na ikaw...

Lunes, Hunyo 1, 2009

...katotohanan, katapatan...

“Peksman (mamatay ka man) Nagsisinungaling Ako” ---Eros Atalia

...noong una kong makita ang titulong ito ng aklat na isinulat ni Ginoong Atalia, napangiti talaga ako at medyo nalito... ngunit ang totoo nyan hindi ko pa din nababasa ang nilalaman ng aklat na ito... hindi tulad ng mga libro ni pareng Bob Ong na nabasa ko na lahat maliban sa kanyang bagong labas na aklat na may titulong "Kapitan Sino"...mukhang ang bagong aklat na ito ni pareng Bob Ong ay tumutugma sa tema ng blog kong ito... Kapitan Sino, SuperGulaman...mga superhero?....ang mga obra at ideya ni pareng Bob Ong bagama't minsan ay may kababawan ay may kaunting kiliti itong iniiwan sa utak na napakasarap himay-himayin at bigyan ng sariling kahulugan....

....ngunit katulad ng mga nakausap kong nakapagbasa na ng libro ni Ginoong Atalia, sulit daw talaga ang pagbili sa mga aklat na ito... kung sabagay titulo pa lang ng kanyang mga aklat ay nakakabaliw na at nagawan nya ako ng kaunting problema.... “Peksman (mamatay ka man) Nagsisinungaling Ako”...

^_^ : paano mo masasabing ikaw ay nagsisinungaling?
O_O: simple, ang pagsasabi ng hindi totoo ay pagsisinungaling.
^_^ : paano kung hindi ka magsasabi ng "hindi totoo", nagsisinungaling ka ba?
O_O: ang labo mo naman... hindi ka magsasabi ng "hindi totoo", so ang sasabihin mo ay yung totoo, tama ba?
^_^ : hindi!...ang ibig kong sabihin, wala kang sasabihing "hindi totoo" pero hindi ka din magsasabi ng totoo...malabo ba? sige ganito yun...

halimbawa, isa kang tigasin (tiga-saing) at iniwan ka ng iyong misis sa inyong bahay ng ilang araw at binilanan na gawin ang ilang gawaing bahay tulad ng paglalaba, pag-aalaga ng anak at pagsasaing... ngunit sa kasamaang-palad ikaw ay nagkasakit sa di malamang dahilan... magkagayun man, sinikap mong gawin at gampanan ang mga ibinilin ng iyong misis...sa kanyang pagbalik tuwang-tuwa naman ito sa iyong nagawa ngunit hindi mo na binanggit ang iyong pagkakasakit... sa puntong ito nagsinungaling ka ba?

siguro pamilyar kayo sa mga linyang, "kung ayaw mong mag-sinungaling, huwag ka na lang magsalita..." ... hindi ko alam kung sasang-ayon ako dito...dahil minsan ginagawa din itong palusot ng iilan...

^_^ : may lakad tayo, magpaalam ka na...
O_O: hindi ako papayagan doon, anu ang sasabihin ko?...ayaw kong magsinungaling...
^_^ : huwag ka na lang magpaalam para hindi ka na magsinungaling...

tunay ngang maraming uri ng kasinungalingan sa mundo...meron tayong tinatawag na "evil lies"...ito ang kasinungalingan na maaring sumira sa sangkatauhan... sa kabilang banda, may tinatawag tayong "white lies"... ito ang mga kasinungaling naglalayon ng kabutihan...kadalasan, ito ang nagsisilbing proteksyon sa ating mahal sa buhay, sa kamusmusan at sa daigdig nalipol na ng kamunduhan...

"ang hindi pagsisinungaling ay hindi nangangahulugan na ikaw ay nagsasabi ng katotohanan dahil maaaring ang hindi pagsisinungaling ay isang pagsasawalang-kibo lamang..." ---SuperG

ang sabi mo, "the truth will set you free"... tama! pero hindi ito nangangahulugan na lahat ng sikreto at katotohanan na iyong nalalaman ay kailangan mong ipagwag-wagan sa sanlibutan...dapat may tagatanggap itong binabagayan...ang katotohanang meron kang kopya ng scandal ni Halili at Kho ay hindi mo maaaring ipagsabi kay Edu Manzano dahil maaari kang kasuhan nito... ang katotohanang na nabwiwisit ka na sa boss mo ay hindi mo maaaring sabihin sa kanya ng harapan dahil maaaring masisante ka... ang katotohanan na iyong ginagawa sa loob ng banyo ay hindi mo maaaring ikwento sa iba dahil kahiya-hiya iyon... pero kung adik ka, sige ikwento mo....

...ang hindi pagsisinungaling at pagsasabi ng katotohanan ay tunay na magkaibang konsepto...ngunit ang mga ito ay nakapaloob sa konsepto ng katapatan.... hindi ka nga nagsisinungaling, pero tapat ka bang talaga?




...hanggang...

habang naka-idle pa ang aking kukote...kantahan po muna tayo... ^_^



Hanggang ---Wency Cornejo

Ilang ulit mo bang, itinatanong sakin
kung hanggang saan,hanggang saan, hanggang kailan,
hanggang kailan mag tatagal,
ang aking pag mamahal,

hanggang may himig pa akong naririnig,
dito sa aking daigdig
hanggang may musika akong tinataglay,
ika'y iniibig
giliw wag mo sanang isiping
ikaw ay aking lilisanin,
di ko magagawang
lumayo sayong piling
at nais kong malaman mo
kung gaano kita kamahal

hanggang ang diwa ko'y
tanging sayo laan
mamahalin kailanman
hanggang pag ibig ko'y
hanggang walang hanggan
tanging ikaw lamang

hanggang may himig pa akong naririnig
dito sa aking daig-dig
hanggang may musika akong tinataglay
ika'y iniibig
giliw wag mo sanang isiping
ikaw ay aking lilisanin
di ko magagawang
lumayo sayong piling
at nais kong malaman mo
kung gaano kita kamahal

hanggang may puso akong
marunong mag mahal
na ang sinisigaw ay lagi ng ikaw
hanggang saan hanggang kailan
hanggang kailan kita mahal
hanggang ang buhay ko'y
kunin ng may kapal

giliw wag mo sanang isipin
ikaw ay aking lilisanin
di ko magagawang
lumayo sayong piling
hanggang may pag ibig
laging isisigaw, tanging ikaw
hanggang may pag ibig
laging isisigaw, tanging ikaw...
Buksan!

Iba pang Kwento!

....langit.lupa.impyerno.... ...Wanted Real Pinoy... #itsmorefuninthephilippines #NBAFinals2014 20 Reasons why I like Philippines over UAE 2010 Philippine Election Inital Results 2010 Philippine Election Initial Results [Latest] 2016 3:06pm A Kish to Remember A Message from Mark Zuckerberg to Philippine users of Facebook Absolute Value Abu dhabi adik [dahil] sa'yo after 15 years after 45 days after 7 years...0307 becomes 0614 agosto para sa pilipino aheks akalain mo yun ako ako ito ako ito 1 ako ito 2 ako ito 3 alaala ng nakalipas albularyo alibata All Saint's Day All Soul's Day alyssa bernal Alyssa Bernal (part 2) an act of love Andrea Corr's State of Independence Anime ano daw? ano na ano sa palagay mo? ang pagbabalik ang panyo ang tunay na siga apila para sa masa aswan (bilang isa) Aurora Avoid Negativity Award babae babae ka lalaki ako babae sa jeep babalik ka din BabyG back to work Bago ito Bagong Bayani BagongBayani balanse baliktad ba? baliw batas ng tao bidaman Big Job Billy Crawford bilog o tatsulok blogging tips 101 (for pinoy bloggers) bored brick buhay buhay mo buhay ko buhay nating lahat Buhay OFW: Pangarap sa mga Sulok ng Kahon; OFW Buhay sa Dubai (From Writer-Researcher to Toshiba Promoter) Bukang-Liwayway bungo at buto Change is Coming chess Chip Tsao Coleen Garcia college contest Cory Aquino dies couple Crucifixion dalaw dalawang daan siyamnapu't apat na araw day-off Department of Tourism desisyon destinasyon Digong dos Duality Dubai Dupe Tara Lakad Tayo Duterte EASY $5 GIVEAWAY Endorsers??? etiquette etong sa'yo...raygun exam day Exit Eye Test? Malabo na ba ang iyong mata? facebook Facebook (Pesbuk) facebook user FAQ's first time mo? firsttime flesh-eating disease Fliptop Friendship from facebook fun Funny Exam Answers game Game 1 Game 3 Gatorade Gelika Bless get real gintuang sundang global warming a warning? google payout guro gusto mong mamatay? halimaw hanggang Happy Father's Day happy hatchday Heat vs. Spurs hiatus higante Hikab muli ako. Tunganga History of Super Gulaman Hoi Hoi HyperPanda Babies and others i love this day i love you ibigay ang hilig ikalawang ginto imahinasyon immigration Inang OFW Indian Init Introducing: Ang Anak ni SuperGulaman Iran Irrationalget isang madugong labanan isang malaking pagbabago isang pagbabalik tanaw isang pasasalamat isang sulyap sa kahapon kasalukuyan at hinaharap It's more fun in the Philippines ITCHY jeepney Job Hunting tips juan kalaro kaliwa kanan kalma lang boss kalsadang mabato Kapalaran Ayon sa Galaw ng Kalawakan (Ophiuchus) kape sa tanghali Kapitan Sino? kasinungalingang mapanlinlang katapatan katinuan katinuan...gustong magpakilala katotohanan Kawhi Leonard kisame Kish kulay kuro-kuro sa bayan ni juan laro laro tayo Learning Japanese (for pinoy) lebron james life Life is a Piece of Cake Ligo na U Lapit na Me lilok (complete) lilok 1 lilok 2 lilok: ang pagpapatuloy [1] lilok: ang pagpapatuloy [2] lilok: ang pagpapatuloy [3] lilok: ang pagwawakas limang minuto...3 miskols...ang umaga ni supergulaman Link Exchange and Other Concerns love lunes mag-enjoy kay enjoy magdasal daw twing umaga sabi ng grasya mahika ng mga kulay Makulay na Paglalaro ng mga Salita malungkot masaya mataba payat Manny "Pacman" Pacquiao Vs Antonio Margarito mapalad ka.. ikaw mapalad silang wala sa katinuan math Math is Life mcarthur mensahe mga hindi dapat gawin sa facebook minsan lang mismo Mmm Sarap modelo musika at ganda naaalala mo pa ba? NAIA NAIA' firsttime NBA All Stars VS Smart Gilas (Philippines) NBA Finals NBA Finals 2014 new design Nonito Donaire Knocks Out Fernando Montiel numero OFW ouch our life Pa-digits Digits Pa Kasi pag-uuri Panahon na Naman [ng Pag-ibig?] Pananabik sa Tag-init Pangasinan pangpasaya Para patay na nabuhay peace be w/ you pelikula Philippine Grand Lotto 6/55 Pi Pilipinas Pilipinas: Sa Pagkakakilanlan Pinoy Version of some Hollywood Movies please help praning Prayer in Mathematics Propesiya at Pilipinas Prophecy Proud to be Pinoy punto ko punto mo Puso ng mga Halimaw Puting Damit Rapido Vs Smugglaz real name regalo Reproductive Health Bill REULEAUX TRIANGLE: ROLLING TRIANGLES Rubber Sadhu Sundar Selvaraj salamat salamat kaibigan sampung taon sayang school Selda Uno Dise Otso seryosong usapan showtime Si Mara at Pamela siga o adik silbi simbulo sino ang tamad? Sino si Santa Claus? sintang paaralan Sistema ng Numero Sistema ng Tao skin makati SONA 2011 TRAFFIC RE-ROUTING SCHEME and MORE sorpresa streetfight Stretch Marks subic sulat kamay Sumusungaw na Chatbox Super Super G sa PBB? super G turning super busy Super Gulaman sa Bayan ng mga Arabo (Part 1) Super Gulaman sa Bayan ng mga Arabo (Part 2) supernatural ta tagapagpalaganap ng pag-ibig tamang trip tamang trip (ikalawang pasabog) Tanong Ko Sagot Mo tanong lang Tangent Line tao tao tao saan ka gawa? tatsulok tayo... The 2010 Oscar Winners The BENEFITS of SEX The Five Love Languages the golden rule the reunion The True Story of Manny "Pacman" Pacquiao thursday time for sale Time Travel Times of Your Life Tingi Culture Toshiba Toshiba Champs Toshiba’s Wet and Wild Adventure in Atlantis Trabaho ba ang hanap mo? Twitter UAE UFC Ulam at Kanin uri ng mundo usapang buhay Usapang ChikenJoy usapang itlog at manok usapang kadiri usapang kadiri (Part 2) wala wala akong medyas wala lang wala naman kaming napala walong palakaibigang adik warm-up when SuperG meets BabyG who are your customers? WiFi Won over Antonio Margarito world peace Zamboanga del Sur
Related Posts Plugin for WordPress, Blogger...