Lunes, Nobyembre 30, 2009

...wala naman kaming napala...

"kung ano ang puno, yun ang bunga!"

...siguro alam nyo na ang balita? balita hindi tungkol sa bagyo sa Pinas, pasko na eh..wala na sigurong darating pa...balita hindi tungkol kay Manny Pacquiao at Krista Ranillo, malalaki na sila alam naman nila ang kanilang ginagawa...balita hindi lang tungkol kay Efren Peñaflorida, nanalo po sya... atin pong ipagbunyi ang kanyang pagwawagi sa CNN Hero of the Year...salamat pong muli sa mga bumoto at nawa'y tularan sya hindi lang ng bawat Pilipino kundi ng bawat pulitikong nagnanais manungkulan sa bansa... ang tanong, may mga pulitiko ba na nais tularan sya? WALA!

alam kong alam nyo na ang balita sa karumaldumal na pagpaslang sa mga mamahayag, abugado, kaanak ng mga Mangudadatu na hindi baba sa limapu't pitong (57) katao sa Maguindao...anu nga ba ang dahilan? simple lang naman...dahil ito sa hidwaan sa pulitika na humantong sa pagpaslang sa mga inosente... at ang salarin? ang pamilya ng mga Ampatuan sa pamumuno ng kanilang kagalanggalang Mayor Andal "Unsay" Ampatuan Jr. ... ok sige, suspek pa lang daw dahil hindi pa daw ito napapatunayan... anu kayo mga tanga o nagtatanga-tangahan lang?... sino kayang makapangyarihang tao na kayang gamitin ang provincial government's backhoe upang ilibing ng sabay-sabay ang limapu't pitong (57) katao kasama ang kanilang mga sasakyan upang itago ang ebidensya? ...sino kaya ang taong kilalang ganid sa kapangyarihan sa lugar? sino kaya ang may kakayahan na pumaslang limapu't pitong (57) katao ng sabay-sabay? sino ang may koneksyon sa mga Pulis sa bayan? sino? ...ang mga Ampatuan...kung hindi sila sino? isa sa pinakamahirap na lugar ang Maguindanao sa bansa lalo na ang bayan ng mga Ampatuan, pero bakit may mga mansyon doon...patunay lamang ito na hindi lang sila ganid sa kapangyarihan kundi maging sa kayamanan na sana ay para sa mga mamamayan ng kanilang nasasakupan...

ikawalong araw na ngayon buhat ng maganap ang karumaldumal na pagpaslang na ito, ngunit patuloy pa din ang pagbibingihan ng kinauukulan...bakit nga ba? dahil siguro sa malaking utang na loob ng mga tao sa Malacañan sa mga Ampatuan... kung ating babalikan, sa Maguindao nagkaroon ng landslide vote pabor sa pangulo, mantakin mo bang ma-zero ang mga kilalang katunggali, tapos wala daw dayaan na naganap...oh come on!... ang sabi ng tagapagsalita ng Malacañan, "hindi lang sa mga Ampatuan may utang na loob ang pangulo, kundi maging sa mga Mangudadatu"... ok cge, pero indikasyon pa din iyon at parang inamin nyo din na may utang na loob pa din ang Malacañan sa mga Ampatuan... wala din daw sasantuhin ang Malacañan sa mga salarin....ganun naman talaga iyon, bago magkadamay-damay kailangan alisin ang dumi na nakikita ng mata...eleksyon na kaya at bago pa ito makasira sa reputasyon ng administrasyon kailangan ng mga papoging tulad nito... pero hangga't may paraan upang lusutan ito, gagawin iyon ng mga nasa pwesto...kayang-kaya nila iyon...ilang mga eskandalo na ba ang naibato sa administrasyon na hinarap nila? wala hindi ba? hinhayaan lang nila na mag-subside ang issue at ang init ng ulo ng tao tapos deadma...in the end, nasa tabi lang sila at nakangiti sa mga tao at sinasabing "mga tae kayong lahat"...

...hindi na din ako magtataka kung bakit malalakas ang loob ng mga taong ito sa pagpaslang ng mga taong laban sa kanila...wala na din kasing death penalty sa bansa... inalis na iyon for safety measures ng Administrasyon na kung sakaling masangkot sa kurapsyon at mapatunayan na nagkasala, hindi sila mabibitay at syempre may tsansa pa din na makalaya...yung iba nga pwede pang tumakbo sa pulitika habang nakakulong pa...

ang sabi nila, takot daw sa multo si Mayor Andal "Unsay" Ampatuan Jr. ...joke lang yata yun dahil sa totoo lang, mahihiya sa kanya sa Satanas... baka nga ibigay pa sa kanya ang trono nito dahil sa kabuktutan nya... para sa kanya kulang pa siguro ang rehas na bakal ... kulang ang habangbuhay na pagkakabilanggo... kulang pa din kahit ang buhay nya kapalit ng limapu't pitong (57) buhay na winasak nya... I want to see the perpetrators hopeless! I want to see Mayor Andal "Unsay" Ampatuan Jr. hopeless and begging!!!

[note: ang inyo pong nabasa ay base po sa kuro-kuro ng may akda...anumang nilalaman nito na taliwas sa inyong paniniwala ay hinihiling ang inyong pag-unawa...ang sulating ito ay isa lamang pong malayang pagpapahayag ng opinyon ukol sa isyu ng bayan... huwag nyo po akong ipadukot... kantahan na lang po muna tayo....:) ]






WALA- by Kamikazee

Napanood sa telebisyon
Inuuto ang neysion
Na-meet daw ekspekteysyon
Sa kanyang imagineysyon

Wala nangyari, wala namang nagbago
Parehong kwento, sino ba ang niloloko mo

CHORUS:
Wala namang kaming napala
Wala, wala, wala, wala
Meron pa bang naniniwala
Wala, wala, wala, wala
Wala ka namang kasing nagawa
Wala, wala, wala, wala
Wala na sayong naniniwala

sabi mo merong solusyon
paberti at mas starbeysion
Nabawasan daw konsomisyon
Dis kol por a selebrasyon

Pero walang nangyari, walang nagbago
Parehong kwento, sino ba ang niloloko mo

Wala namang kaming napala
Wala, wala, wala, wala
Meron pa bang naniniwala
Wala, wala, wala, wala
Wala ka namang kasing nagawa
Wala, wala, wala, wala
Wala na sayong naniniwala

Speech:
Mga mahal kong kababayan
sa panahon ng aking panunungkulan
katakutakot na kurakot ang inyong maaasahan
paliliguan ko kayo ng sandamakmak na kasinungalingan
at sa lahat ng sa akin ay bumoto
ano kayo, hilo? ako muna bago kayo
at sa kabila ng lahat
may makikitang ngiti sa ating mukha
na parang walang naganap
at sa akin ang huling halakhak!

pu***g ina nio hahaha

Wala namang kaming napala
Wala, wala, wala, wala
Lalo lang lumalala

Wala ka namang kasing nagawa
Wala, wala, wala, wala
Wala na sayong naniniwala
Wala, wala, wala, wala
Wala, wala, wala, wala

Bakit di ka pa mawala (repeat)

Huwebes, Nobyembre 19, 2009

...tamang trip (ikalawang pasabog!)...

....ngiti, tawa, halakhak...mga ehersisyong tunay na nakapagpapagaan ng pakiramdam sa kabila ng problemang dumadating sa buhay ng bawat isa...noong sinulat ko ang akdang may titulong "tamang trip" na kung saan ay aking inilarawan ang ilang eksena sa bahay, hindi ko pa rin maiwasan ang mapangiti sa tuwing maiisip ko iyon... pero ang totoo nyan hindi lang ako ang bida ng kalokohan sa bahay... narito po ang ilang patunay...

EKSENA 1: Habang ako ay naka-upo sa harapan ng monitor ng computer ko, nag-iipon naman ng tubig ang aking nanay na gagamitin para sa mga damit na lalabhan.

Nanay ko: Bakit naman ganito ang tubig ngayon...may ginagawa na naman siguro ang mga taga-MAYNILAD sa labas... masyadong malabo ang tubig!
Joy: Ma, malabo ba? (inaabot yung salamin ko sa mata)...ito salamin ni Kuya kaso 50-25 lang ang grado, gamitin mo para luminaw..
Nanay ko: (*natawa) ang gulo nyo, manang-mana ka talaga...basta bantayan mo yang tubig ha, titignan ko lang sa labas kung anu na naman ang problema...
Joy: Sige ma, babantayan ko...tatalian ko na din baka tumakas eh...(nakangisi*)
Nanay ko: (*natatawa na naiinis) oo, cge bahala ka!

ahehehe...narito pa ang ilan pang mga eksena...

Noong nakaraang linggo, naisipan ng nanay ko na papinturahan ang loob ng bahay. Dating bughaw (blue) ang kulay n'yon na sa ngayon ay ginawa na namin itong kulay luntian (green)... bakit? ganito kasi yun...

EKSENA 2: Nakaupo sa sofa ang nanay ko habang tinitigan ang bahagi ng pader ng bahay na may mantsa ng natuyong pandikit (rugby) mula sa naalis na poster ni Britney Spears...

Nanay ko: Yet, anu kaya kung papinturahan mo kay Junjun itong bahay, mukha na kasing may tae yung pader dahil sa rubgy na yan...
Nonie: (*bunsong kapatid ko, nakangisi na sumingit sa eksena*) ma, mukha bang tae? e di tabunan na lang natin ng lupa tapos i-dustpan natin...
Nanay ko: (natatawa na naiinis) Dyan ka magaling, manang-mana talaga kayo....

makalipas lang ng ilang saglit, lumabas si Jenny (*kapatid ko din*) mula sa kawarto...

Jenny: Ma, ang sakit ng ulo ko...kumpleto naman ang turnilyo ng utak ko eh...
Nanay ko: Ganun ba? masakit? cge pabunot na din mamaya...(*sabay tawa*)

...minsan may mga pagkakataon na ikaw ang bida...minsan ikaw din ang biktima...pero hindi ka dapat maiinis, dahil darating din ang panahon para makabawi... sa mga eksenang inyong natunghayan, madalas sinasabi ng nanay ko na "manang-mana talaga kayo"... syempre kanino pa ba kami magmamana kundi sa ama ng kalokohan sa bahay...ang tatay ko... noong nabubuhay pa ang tatay ko likas na din sa kanya ang pagbibigay buhay sa mga ilang tagpo...narito po ang ilan sa naalala ko...

EKSENA 3: umuwi na kami sa bahay, galing kami ng tatay ko sa bahay kumpare nya at katatapos lang nilang mag-mahjong....

Nanay ko: Oh, anong nangyari sa sugal nyo? talo na naman? sino nanalo?
Tatay ko: Si Eddie.
Nanay ko: (nagtataka...) sinong Eddie? (*wala kasi silang kilalang eddie*)
Tatay ko: Eh di (*Eddie*) ako. ....(*sabay abot ng suhol*)

EKSENA 4: Minsan umuwi ang tatay ko ng madaling-araw na galing sa pakikipag-inuman...Kinaumagahan, inaaway na ng nanay ko ang tatay ko...

Nanay ko: Ikaw kalbo ka, mag-usap nga tayo ng matino.
Tatay ko: Hindi pa ako matino eh, may hangover pa ako...sige timpla mo ako ng milo (*hindi nagkakape ang tatay ko*)
Nanay ko: ewan ko ba sa'yo... hindi talaga kita makausap ng pormal...
biglang tumayo ang tatay ko, parang galit...kinuha ang kaisa-isa nyang polo...nagbihis...
Tatay ko: ayan naka-pormal na ako...

imbis na magalit pa ang nanay ko, natawa na lang ito...


sapalagay nyo kanino kaya kami nagmana?... ahehehe...no doubt!

Lunes, Nobyembre 16, 2009

...imahinasyon....

...binalak ko talaga na maglagay ng entrada ngayon araw...ngunit kahit na anung piga ko sa aking kukote wala na itong malibas...kung kaya nagpasya na lamang akong muling balikan at basahin ang ilang mga sulatin dito sa aking supergulaman.com

...sa aking pagbabalik tanaw sa ilang mga akda...napadpad ako sa aking akdang may titulong "...kisame..." na kung saan ay inilalarawan nito kung paanong paglaruan ng aking imahinasyon ang mga hugis sa kisame...kasabay ng pagbuo ng akdang iyon..nakakatuwang isipin na nakabuo kami ng maiksing tula buhat sa mga komento ni Mike Avenue (*saan ka na kaya parekoy?)...ito po iyon:


IMAHINASYON
Mike Avenue said...

Ang sarap mabuhay sa imahinasyon,
Magagawa rin ang paglilimayon,
At sa pagbabalik sa realisasyon,
Malalaman mo na, totoong nilalayon!

=supergulaman= said...

masarap maglakbay sa mundo ng imahinasyon,
ngunit huwag magpapakulong sa huwad na pagkakataon,
dahil kung magkagayon at hindi ka matunton,
tuturukan ka ng pangpakalma sa seldang kahon.

Mike Avenue said...

Kung ang panahon ay di nakiayon,
Dasal ang panlaban sa pagkakataon,
Kung sa libingan ako ay humantong,
Ipagdasal na lamang ang aking kahapon!

Lunes, Nobyembre 9, 2009

...kuro-kuro sa bayan ni juan..

...Pilipinas kamusta ka na? ... karamihan sa pilipinong mambabasa ng blog na ito ay nasa dayuhang bansa na bagama't hindi pa rin nakakaligtaang kamustahin ang Pilipinas ay hayaan nyo pa din akong ibahagi sa inyo ang mga ilang pang pangyayari sa Perlas ng Silangan kasabay ng ilang opinyon ni Super Gulaman...

...hindi na rin siguro lingid sa kaalaman ng karamihan ang pagdalaw ng kalamidad sa ating bansa...ang kalamidad na dulot ng mga bagyong Ondoy at Pepeng...at sinundan pang muli ng ilan pang bagyo na sina Quedan, Ramil, Santi at Tino...mga bagyong nagdulot ng matinding hagupit sa buhay ng bawat Pilipino....libong bahay ang nasira, libong Pilipino ang naapektuhan, bilyong piso ng halaga ng ari-arian ang nawasak at daang tao din ang binawian ng buhay...pero magkagayun man, hindi magpapatalo si Juan...muli itong babangon at bubuuin ang mga pira-pirasong pangarap na winasak ng nagdaang kalamidad...

Tanong: Bakit ang dalawang huling bagyo (Santi at Tino) ay halos katugma sa pangalan ng bida sa teleseryeng "May Bukas Pa" ng ABS-CBN na si Santino?
Sagot:
Dahil ang PAG-ASA ang nagbibigay ng pangalan sa mga bagyo at si Santino ay mula sa bayan ng Bagong Pag-asa.


...matapos ang hagupit ng nagdaang kalamidad, hindi pa din doon nagtatapos ang kalbaryo ni Juan...kasabay din kasi nito ang walang humpay na pagtaas ng presyo ng mga bilihin...at bilang tugon (daw) ng gobyerno sa problemang ito, nagbaba ng Ehekutibong Kautusan (Executive Order 839) ang ating Pangulo na nagtatakda ng limitasyon sa presyo ng pangunahing bilihin kabilang ang presyo ng petrolyo...dahil sa pangyayaring ito, napilitan ang mga dambuhalang kumpanya ng langis sa Pilipinas na itigil muna pansamantala ang pagbili ng petrolyo sa pandaigdigang pamilihan...bakit? nalulugi daw kasi sila at ayaw daw nilang magbenta ng petrolyo ng palugi...Shell, Caltex, Petron nalulugi? oh come on!

...kanina, binanggit ng Energy Secretary Angelo Reyes na hanggang labing-tatlong araw (13 days) na lang daw ang itatagal ng suplay ng petrolyo sa bansa hanggang hindi binabawi ang nasabing kauutusan...at posible (daw) na magkakaroon ng kakulangan sa suplay ng petrolyo...

Tanong: Bakit hindi na lang i-subsidize ng gobyerno ang dagdag na singil na nais ipataw na mga kumpanya ng petrolyo upang sagayon ay mapanatili pa din nito ang mababang halaga ng presyo ng petrolyo sa bansa at matugunan din ang panggigipit ng mga kumpanya ng langis?
Sagot:
Malapit na ang eleksyon at kailangan mangalap ng pondo...


...at kasabay nga ng pangangalap ng pondo...nagpakitang gilas muli ang BIR...binalaan ang mga magtatayo ng tiangge sa nalalapit na kapaskuhan...sisingilin daw ito ayon sa itinakda ng batas...napakahusay talaga ng kultura ng pulitika sa Pilipinas...ang sabi nila, maganda ang naging kolekyon ng buwis ngayon taon...magagamit daw yun sa pagsasaayos ng mga nasirang inprastruktura at upang maisakatuparan ang programa ng gobyerno...

Tanong: Totoo bang ginagamit sa pagsasaayos ng mga nasirang inprastruktura at programa ng gobyerno ang nakokolektang buwis?
Sagot: Chismis lang yun. Kung maaayos ang inprastruktura bakit tayo binaha? kung may pera para sa programa ng gobyerno bakit hindi ko maramdaman? Ang alam ko ginagamit yun ng mga pulitiko sa panood ng laban ni Manny Pacquiao sa ibang bansa...sigurado ako malaki na naman ang kikitain ng mga pulitiko sa labanang Pacquiao Vs. Cotto sa linggo.

...titigil na naman ang pag-ikot ng mundo para sa pilipino...lahat tayo aabangan labanang Pacquiao-Cotto...maganda na din yun upang maibsan ang kahirapan na bumabalot sa bayan ni Juan at magkaroon muli ng dahilan upang ipagpatuloy ang laban... laban para sa pagbabago...laban ng iyong boto...anim a buwan na lang eleksyon na, handa ka na ba? ako? hindi ako rehistrado, kung anuman ang dahilan ko, akin na lang po iyon, hinihiling ko po ang malugod ninyong pag-unawa... pero kayo handa na ba kayo? handa na ba kayo sa paggamit ng makabagong teknolohiya sa pagboto? ang mga guro na tutulong sa halalan, may sapat na bang kaalaman sa paggamit ng makabagong teknolohiya sa pagboto? ang mga mandaraya sa eleksyon, handa na ba kayong mag-isip ng bagong taktika sa pandaraya?...kung sabagay, paggusto may paraan...

Tanong: Nasa pulitika ba ng tunay na paglilingkod sa bansa?
Sagot:
Wala yata, hindi ko kasi iyon makita. Nasa puso ito ng taong nais magk
awanggawa. Si Efren Peñaflorida kilala nyo sya? isa sya sa mga tumutulong sa mga kabataang Caviteño na mabigyan na edukasyon sa pamamagitan ng kanyang munting kariton...simple hindi ba? pero malayo ito kumpara sa mga pulitikong namimigay ng pekeng limang daang piso tuwing halalan... halika, sama kayo iboto natin si Efren Peñaflorida bilang Hero of the Year ng CNN (click here to vote Efren)


[note: ang ilan po sa bahagi ng sulating ito ay ayon lamang po sa opinyon ng may-akda, si Super Gulaman...anuman bahagi na taliwas sa paniniwala ng iba ay bahagi lamang po ng malayang pagpapahayag...salamat!]



Buksan!

Iba pang Kwento!

....langit.lupa.impyerno.... ...Wanted Real Pinoy... #itsmorefuninthephilippines #NBAFinals2014 20 Reasons why I like Philippines over UAE 2010 Philippine Election Inital Results 2010 Philippine Election Initial Results [Latest] 2016 3:06pm A Kish to Remember A Message from Mark Zuckerberg to Philippine users of Facebook Abu dhabi adik [dahil] sa'yo after 15 years after 45 days after 7 years...0307 becomes 0614 agosto para sa pilipino aheks akalain mo yun ako ako ito ako ito 1 ako ito 2 ako ito 3 alaala ng nakalipas albularyo alibata All Saint's Day All Soul's Day alyssa bernal Alyssa Bernal (part 2) an act of love Andrea Corr's State of Independence Anime ano daw? ano na ano sa palagay mo? ang pagbabalik ang panyo ang tunay na siga apila para sa masa aswan (bilang isa) Aurora Award babae babae ka lalaki ako babae sa jeep babalik ka din BabyG back to work Bago ito Bagong Bayani BagongBayani balanse baliktad ba? baliw batas ng tao bidaman Big Job Billy Crawford bilog o tatsulok blogging tips 101 (for pinoy bloggers) bored brick buhay buhay mo buhay ko buhay nating lahat Buhay OFW: Pangarap sa mga Sulok ng Kahon; OFW Buhay sa Dubai (From Writer-Researcher to Toshiba Promoter) Bukang-Liwayway bungo at buto Change is Coming chess Chip Tsao Coleen Garcia college contest Cory Aquino dies couple Crucifixion dalaw dalawang daan siyamnapu't apat na araw day-off Department of Tourism desisyon destinasyon Digong dos Duality Dubai Dupe Tara Lakad Tayo Duterte EASY $5 GIVEAWAY Endorsers??? etiquette etong sa'yo...raygun exam day Exit Eye Test? Malabo na ba ang iyong mata? facebook Facebook (Pesbuk) facebook user FAQ's first time mo? firsttime flesh-eating disease Fliptop Friendship from facebook fun Funny Exam Answers game Game 1 Game 3 Gatorade Gelika Bless gintuang sundang global warming a warning? google payout guro gusto mong mamatay? halimaw hanggang Happy Father's Day happy hatchday Heat vs. Spurs hiatus higante Hikab muli ako. Tunganga History of Super Gulaman Hoi Hoi HyperPanda Babies and others i love this day i love you ibigay ang hilig ikalawang ginto imahinasyon immigration Inang OFW Indian Init Introducing: Ang Anak ni SuperGulaman Iran isang madugong labanan isang malaking pagbabago isang pagbabalik tanaw isang pasasalamat isang sulyap sa kahapon kasalukuyan at hinaharap It's more fun in the Philippines ITCHY jeepney Job Hunting tips juan kalaro kaliwa kanan kalma lang boss kalsadang mabato Kapalaran Ayon sa Galaw ng Kalawakan (Ophiuchus) kape sa tanghali Kapitan Sino? kasinungalingang mapanlinlang katapatan katinuan katinuan...gustong magpakilala katotohanan Kawhi Leonard kisame Kish kulay kuro-kuro sa bayan ni juan laro laro tayo Learning Japanese (for pinoy) lebron james life Life is a Piece of Cake Ligo na U Lapit na Me lilok (complete) lilok 1 lilok 2 lilok: ang pagpapatuloy [1] lilok: ang pagpapatuloy [2] lilok: ang pagpapatuloy [3] lilok: ang pagwawakas limang minuto...3 miskols...ang umaga ni supergulaman Link Exchange and Other Concerns love lunes mag-enjoy kay enjoy magdasal daw twing umaga sabi ng grasya mahika ng mga kulay Makulay na Paglalaro ng mga Salita malungkot masaya mataba payat Manny "Pacman" Pacquiao Vs Antonio Margarito mapalad ka.. ikaw mapalad silang wala sa katinuan mcarthur mensahe mga hindi dapat gawin sa facebook minsan lang mismo Mmm Sarap modelo musika at ganda naaalala mo pa ba? NAIA NAIA' firsttime NBA All Stars VS Smart Gilas (Philippines) NBA Finals NBA Finals 2014 new design Nonito Donaire Knocks Out Fernando Montiel numero OFW ouch our life Pa-digits Digits Pa Kasi pag-uuri Panahon na Naman [ng Pag-ibig?] Pananabik sa Tag-init Pangasinan pangpasaya Para patay na nabuhay peace be w/ you pelikula Philippine Grand Lotto 6/55 Pilipinas Pilipinas: Sa Pagkakakilanlan Pinoy Version of some Hollywood Movies please help praning Prayer in Mathematics Propesiya at Pilipinas Prophecy Proud to be Pinoy punto ko punto mo Puso ng mga Halimaw Puting Damit Rapido Vs Smugglaz real name regalo Reproductive Health Bill REULEAUX TRIANGLE: ROLLING TRIANGLES Rubber Sadhu Sundar Selvaraj salamat salamat kaibigan sampung taon sayang school Selda Uno Dise Otso seryosong usapan showtime Si Mara at Pamela siga o adik silbi simbulo sino ang tamad? Sino si Santa Claus? sintang paaralan Sistema ng Numero Sistema ng Tao skin makati SONA 2011 TRAFFIC RE-ROUTING SCHEME and MORE sorpresa streetfight Stretch Marks subic sulat kamay Sumusungaw na Chatbox Super Super G sa PBB? super G turning super busy Super Gulaman sa Bayan ng mga Arabo (Part 1) Super Gulaman sa Bayan ng mga Arabo (Part 2) supernatural tagapagpalaganap ng pag-ibig tamang trip tamang trip (ikalawang pasabog) Tanong Ko Sagot Mo tanong lang tao tao tao saan ka gawa? tatsulok tayo... The 2010 Oscar Winners The BENEFITS of SEX The Five Love Languages the golden rule the reunion The True Story of Manny "Pacman" Pacquiao thursday time for sale Time Travel Times of Your Life Tingi Culture Toshiba Toshiba Champs Toshiba’s Wet and Wild Adventure in Atlantis Trabaho ba ang hanap mo? Twitter UAE UFC Ulam at Kanin uri ng mundo usapang buhay Usapang ChikenJoy usapang itlog at manok usapang kadiri usapang kadiri (Part 2) wala wala akong medyas wala lang wala naman kaming napala walong palakaibigang adik warm-up when SuperG meets BabyG who are your customers? WiFi Won over Antonio Margarito world peace Zamboanga del Sur
Related Posts Plugin for WordPress, Blogger...