Huwebes, Agosto 25, 2011

surprise...

current local time...6:05PM... bulaga!

alam ko gabi na.. pero bakit ganun, nagsisimula pa lng gumising ang mga tao patungo sa kanilang mga trabaho... mukmok muna ako ulet sa kwarto...wala pa ang grasya..hintay pa ng alas-dyes para sa pagdating nya...alas-dyes dyan pa lng kami gagala...kakaiba talaga...hindi ko na din matantsa kung anong oras ang almusal, tanghalian at hapunan...ang sabi lang nya..basta magutom ka, kain lang daw...sa pagligo naman, kung dati rati nagpapa-init ka ng tubig panlaban sa lamig ng panahon...ngayon, maghihitay kang lumamig ang tubig dahil sa labis na init ng paligid...hindi din uso ang puyatan dahil normal lang daw ang gising sa gabi at tulog sa umaga...ang orasan ay ginagamit sa pagtatakda ng iyong pasok sa trabaho hindi para malaman kung umaga na o gabi pa... hindi na din totoo ang kasabihang "the early bird catches the early worms"...kasi nga "the intelligent bird catches the worm at the right time"...

sa totoo lang..inaasahan ko na ito, alam na ito ng utak ko... pero ang katawan...nag-aadjust pa...makukuha din yan...:)

Miyerkules, Agosto 17, 2011

Dupe: Tara Lakad Tayo

Ito ang pinoy, lakad dito, lakad doon.  Lakad ng lakad kasama ang pinakamamahal nyang tsinelas. Kaya nga,
"Mang Kulas, Pabili ngang tsinelasMang kulas, 
Pudpod na't gasgas,
Baka mapigtas tong luma kong tsinelas
Tong luma kong tsinelas" -Yano

Hirap ka na ba sa kaaayos ng madaling mapigtas na tsinelas? Takot ka na bang madulas dahil sa iyong lumang tsinelas? Sawa ka na ba sa mahal-pero-hindi-katibayan na tsinelas? Pwes, narito na ang tsinelas na papatok sa iyong panlasa...Ang Dupe. Gawang Brazil pero pinoy ang timpla.  Imported pero hindi mahal. Maganda at matibay na swak pa sa iyong porma.

Kailan nga ba tayo unang gumamit ng tsinelas? Ummmh...siguro hindi pa tayo natututong magbilang at magbasa, alam na natin kung paano ang paggamit ng tsinelas.  Sanggol pa lang tayo noon, tsinelas na ang nakamulatan ng bawat isa.  Minsan pa nga hirap na hirap sa pagkabit si nanay sa garter ng iyong tsinelas upang pang-proteksyon sa iyong lalakaran. Palibahasa batang makulit, tanggal pa din. Tsinelas din ang dumisiplina sa kakulitan mo at alam mo na din ang mangyayari kapag sumigaw na ang nanay mo ng "Dapa!". Bukod sa sinturon, ayan malutong na palo ng tsinelas ang siguradong hahalik sa pwet mo (kaya maglagay ng karton lagi!). Sa laro naman noon, tumbang-preso, siguradong bidang-bida ang bago mong tsinelas. Kaya nga lang kapag sa habulan na at ang tsinelas ay napigtas siguradong alambre na ang kasunod nyan. Alam mo ba yun? Kung hindi pa, hayaan mo sa susunod, kapag nagpatayo ako ng paaralan maglalagay ako ng kursong magtuturo kung paano maglagay ng alambre sa napigtas na tsinelas. "Bachelor of Science in Slipper Repair Major in Wiretapping." Ahehehe! 

Ang totoo nyan, mas bisyo ko ang gumamit ng tsinelas kasya ng sapatos. Bakit? Kuportable kasi.  Kahit nga sa basketball noon, tsinelas ang gamit ko kahit pa sabihin na pagkatapos ng laro siguradong may pilay o di kaya naman sugatan ang mala-porselana kong mga paa (maniwala ka na lang!).  Sa opisina, mas swabe pa din ang dating sa akin ng tsinelas kahit na magmukha akong mabobote sa porma ko. "Office boy naka-tsinelas?!", yan ang madalas na sabi ng mga kapatid ko. Ang sabi ko naman, "Hindi nakikita sa porma ang laman ng bulsa!". Oha!

Fan ako ng mga tsinelas, lahat yata nasubukan ko na.  Lahat yata ng klase ng swelas dumaan na sa aking mala-porselanang paa (paulit-ulit, maniwala ka kasi!).  May magaan, may hayop sa bigat, may madaling masira, may tumatagal, minsan pa nga may nabili akong tsinelas na may warranty.  Kapag umangat daw ang swelas ibalik ko lang daw sa kanila.  Pero inperyrnes matibay talaga kahit na medyo may kabigatan. Pinangharabas ko na iyon lahat sa baha, pinam-basketball, pinampasok sa opisina pero sobrang tibay talaga.  Yun nga lang natapunan ng baga ng sigarilyo ng kapitbahay. Ayun nalusaw. Sayang.

Kaya nga tamang-tama itong regalo ng Dupe. Salamat po sa inyo. Salamat sa bonggang bag at t-shirt. At syempre salamat sa swabeng Dupe Slippers. Sa tindig at porma ng bago kong tsinelas, mukhang may aasahan talaga akong tibay. Kung disenyo naman ang pag-uusapan, aba pwede! Pwedeng-pwede. At kapag ito iyong isinuot....aba sobrang kumportable! At hindi lang yun, meron itong Gel XHP na parang airsole na nagpapasarap ng pakiramdam sa iyong paghakbang. (wow! tunog endorser na ako..ahahaha!) Ano? Gusto mo din nito? Aba walang problema syempre ibabahagi ko sa inyo ang biyaya. Basahin pong maiigi ang mechanics sa baba.


For more info visit: http://www.facebook.com/dupePH


Tara lakad tayo!



Biyernes, Agosto 12, 2011

Facebook (Pesbuk)

5:00am...maingay na naman ang alarm clock ko. Kinapa, ang kinaroonan, in-off ang alarm switch, kinuha, tinignan ng matang hirap sa pagdilat. Nakipagtitigan sa orasan. Pupungas-pungas. Tinangkang ibato dahil nagulantang sa kasarapan ng tulog.  Pero wag na lang, mahirap maglinis ng nakakalat na bubog. Kinuha ko ang selpon (cellphone, mobile phone, handphone???), nagsimulang tumipa. Message Sent! 

Tumayo na din ako, umunat ng bahagya. Nagdasal ng pasasalamat at nagsimula ng iligpit ang pinaghigaan. Pagkayari ng ilang saglit, hinanap ang saksakan ng battery backup. Pindot dito, pindot doon. On, on, on! Pinagpahinga ko na din ang bentilador na nagpasarap sa aking pagtulog.  Diretso sa kusina. Kumuha ng baso, nilagyan ng isang kutsaritang kape at asukal, at madaming coffeemate. Nagpakulo ng tubig.  Hintay ng ilang saglit. Binuhos ang kumukulong tubig sa baso. Wag kayong maniwala sa kasabihang nawawala ang aroma ng kape kapag binuhusan ito ng kumukulong tubig. Kaya nga kape dapat mainit.  Matagal akong magkape kaya dapat tumagal din ang init nito.  Oops, o ito may cinnamon pa.  Hindi yan yung commercial na "Gawin mong timpla nya". Talagang may cinnamon powder ako. Ganyan kaming mga peti-burgis, may kaunting kayabangan minsan sinungaling din katulad nating lahat na may facebook.

Pandalas ang pasok ko ulit sa kwarto. Sinipat kung nakabukas na ang computer. Bitbit ang isang tasang kape, umupo ako sa tapat ng monitor. Patong ang kamay sa mouse. Firefox, click. Sa keyboard naman, tipa-tipa-tipa. Facebook.com, enter! Tipa ulit, email, password, enter!

Isa sa pinakadakilang likha ni panginoong Mark Zuckerberg ang facebook.  Sa katunayan, kaunting panahon  na lang ay mapapantayan na nito o mahihigitan pa ang mga nangungunang relihiyon sa buong mundo kung bilang ng miyembro ang pag-uusapan. Base na din sa istatistika ngayong 2011, umaatikabong pitong daan at limampung milyon (750 million) ang bilang ng kanilang mga aktibong miyembro. Mga aktibo lang yun, paano pa ang bilang na mga hindi aktibo? Ang malupit nyan kailan lang ba nabuo ang facebook kumpara sa mga reliyon na daan o libong taon na ang nakalilipas buhat ng ito ay nalikha? Kaya nga hindi na din nakakapagtaka na kung isang araw ay maging religion na ang facebook. Sa panahong yun magkakaroon na ng rebulto si panginoong Mark Zuckerberg.  Magkakaroon na ng pagsamba tuwing alas-sais ng gabi kaya dapat ang lahat ay online.  Prayer request online.  Donations via paypal.  Magkakaroon na din ng worship song na ang title ay "You like it, I like it". Like like like!

Kung hindi ako nagkakamali, taong dalawang libo't apat (2004) nang simulang gawin ni panginoong Mark Zuckerberg ang facebook. Noong mga panahong iyon, isa lamang siyang magbobote sa Amerika. At dahil sa kanyang sipag at tyaga nakupulot siya ng magic bote. Kiniskis niya iyon hanggang sa lumabas ang genie.  Binigyan siya ng genie ng tatlong kahilingan dahil sa ginawa niyang pagpapalaya dito. Batay sa mga talang nakasulat, hindi na nabanggit ang iba pang kahilingan ng panginoong Mark Zuckerberg, pero humiling siya na maging pinuno ng sanlibutan at iyon ay natupad sa pamamagitan ng facebook.  Pero syempre hindi totoo yang sinasabi ko, gawa-gawa ko lang yan, obvious naman eh. Nahirapan din kasi akong ipaliwanag ang mga pangyayari sa pelikulang "The Social Network (2010)" kahit na sabihing tatlong beses ko na itong napanood.  Sa pelikulang yan nakadetalye ang mga pangyayari sa pagkakalikha ng facebook.com. Doon makikilala ninyo sina Eduardo Saverin, ang mga maangas na Winklevoss (kambal yun kaya Winklevi ang tawag ni panginoong Mark Zuckerberg), yung ex ng panginoong Mark Zuckerberg na si Erica Albright (ang sabi sa chismis hindi daw yun ang totoong pangalan para maprotektahan ang tunay na pagkakakilanlan), at syempre nandun din si Justin Timberlake este si Sean Parker na nagsilbing mentor kuno ni panginoong Mark Zuckerberg .

Sa Pilipinas, ang facebook ang nangungunang website na binibisita ng Pinoy. Tinalo na nito ang henyong si Google. Humahabol na din sa listahan ang isa pang henyo na si Wikipedia.com.  Itanong mo lang sa kanila, siguradong alam na nila ang sagot. Baka nga pati ang kapalaran mo ay alam na din nila. Close kasi sila kay panginoong Mark Zuckerberg.  Kung iisipin apektado na ang buong mundo sa paglobo at paglawak ng mga kumpanyang ito.  Halimbawa, ang google ilang milyong negosyate ba ang nakadepende sa google ads? Ilang blogger ba ang umaasa sa traffic na nagmumula sa google at facebook? Ilang blogger ba ang aasa sa kakarampot na kita mula sa google adsense (malas deactivated ako, taeng invalid clicks)? Ilang pilipinong estudyante ba ang aasa sa dali ng pagre-research sa tulong ng mga henyong si Google at Wikipedia kaysa umasa sa sobrang bising si Kuya Kim ng "MutaingLawin"?  Sa lawak ng koneksyon ng nabuo ng mga kumpanyang ito, posibleng nasa palad na nga nila ang mundo, pagulong-gulungin, paikutin at saka ibato. Caidic Three Points!

Profile Page. Wow ang pogi ko, may kandong pang-chick. Ay misis ko pala yan. Ito ang maganda sa facebook, payabangan.  Aba, syempre sa page mo dapat ikaw ang bida kaya dapat maganda ang lahat ng nakikita ng mata. Nakakatuwang isipin lang na sa sobrang galing ng facebook kaya nitong bumuo at sumira ng relasyon. Ilang pagkakataon na ba na ng dahil sa facebook ay nakatagpo ang ilan ng kanilang pag-ibig o di kaya's natagpuang muli ang nawalang pag-ibig? Ilang pagkakataon na din ba ang pagkakataon na nabisto ang kabalbalan ng mister ng dahil sa facebook? Totoo maganda ang facebook. Connecting People. Ay slogan pala yan ng Nokia. Sa facebook, pwedeng ang tagline ay "Connecting and Disconnecting People". Oha! 

Sa facebook lahat ng tao kaibigan mo, kahit na yung iba ay kaaway mo naman. Sabi nga, "friend request accepted", pwede kayang "enemy request accepted" o kaya naman "friend request ignored"?. Yung iba naman magpo-post ng ganito "My father passed away last night" (grammar check off).  Tapos makikita mo 20 people like this. May hirit pang "like this comment".  Huwat?! Mantakin ba naman namatay na nga nagustuhan pa ng dalawampung tao. O kaya naman mag-post ka na "Feeling alone and lonely" (grammar check off ulit), makikita mo may magla-like talaga. Nasaan na kaya ang dislike button? Sa palagay ko, ayaw pang gawin ni panginoong Mark Zugerberg yun. Bakit? Negatibo daw kasi ang dislike or yung enemy request. Dapat perfect world ang facebook, langit kumbaga kaya dapat lahat maganda. Sa sobrang ganda kadalasan kasinungalingan na. Sa facebook, ang taong sinungaling ay lalong nagiging sinungaling. Friends daw, magkaaway yan.  Sa profile page, ang ganda ng mukha, ang kinis, ang klasik dito adobe photoshop lang pala (tunog radio station, ahahaha!). Halos lahat ng babae sa facebook, lahat yan ay mga model, camwhore sabi nga nila. Kunyari stolen shot, tapos naka-make-up. Oh come on!  Sa mga kabataan naman, makikita mo galit yan sa kapwa nila maarte mag-pose sa picture. Tapos parinigan yan ng status (naririnig ba ang status? nababasa siguro). Haters complain about haters. Ang malupit nyan yung iba kunyari mayaman pero pulubi din naman. Mas epektibo din ang facebook kumpara sa mga gym.  Yung mga buto't balat (lumilipad???)  nagkakaroon ng curves at yung mga bondat at lumba-lumba, nagagawang makapagbawas ng timbang sa profile picture. Salamat Saint Adobe Photoshop. Akalain mo yun, hindi mo na kailangan sina Calayan at mareng Vicky Belo para sumeksi, kay St. Adobe Photoshop ka lang ligtas na ang umaalwas na bilbil mo. 

Relationship Status. Sa facebook nakakatuwa din ito. Yung mga single, yung iba dyan ay hindi talaga single, yung iba double, yung iba pa nga triple or yung malupit ay multiple.  Yung iba naman kunyari Engage, pero hindi naman, yung iba kasi dun kung hindi confused or MU (mag-un), yung iba nagpapantasya lang. It's complicted. Anong relationship status ito? Dapat sabihin din ang reason bakit complicated. Halimbawa, waiting, broken hearted but searching, in love all by my self, bitter, assuming, home wrecker, martyr, kabit or forever alone.  Ei yung mga pari at madre anong relationship status nila? In relationship with God? Pwede siguro. Pero mas maganda kung  In MUTUAL relationship with God. Ayan sacred kasi yun.

Games.  Isa din ito sa nagpatibay ng organisayon ng facebook. Simula sa farmville, pet society, mafia wars, at plants vs. zombies. "The zombies ate your brain". Angry Birds sa facebook?  Hindi ko pa na-try yan. Mahusay si panginoong Mark Zuckerberg hindi ba? Alam niya kung ano ang kiliti mo. Alam niya kung ano ang hinahanap-hanap mo. Alam niya kung ano ang gusto mo. Baka nga maging diyos na siya.



Oops. Logout!



[Note: Pasensya na kung may kahabaan, ang gusto ko lang naman ay makapagbigay ng kaalaman at kaunting kasiyahan, salamat sa hindi pag-skip read...:)]

 

Sabado, Agosto 6, 2011

Ligo na U, Lapit na Me

Friends with benefits and perks. Katatapos ko lang panoorin ang pelikulang Friends with Benefits (2011) na pinagbidahan nila Justin Timberlake (Dylan) at Mila Kunis (Jamie)... Nakakaliw, nakakatuwa (nakatutuwa??) kung paano nila nabigyan buhay ang karanasan ng mga FUBU. Oo, Tama! Mga FU*k BUddies. Ganun daw kasi ang mababait at tunay na magkaibigan, nagpapahipo. Isa itong pelikulang tama din ang timpla, swak sa panlasa, may kiliti at ligayang panggising sa natutulog mong diwa. Sabihin na natin na nalibang din ako sa panonod ng pelikulang ito, pero ayun nga anticipated ko na naman ang dulo (and they lived happily ever after). Kung sabagay halos lahat naman ng pelikula ay ganyan...and they lived happily ever after. Hindi naman sa hindi ako naniniwala sa happily ever after o ayaw ko nito, ayaw ko lang na makapanood ng mga pelikulang predictable ang takbo ng kwento. Minsan pa nga mas natutuwa ako sa pelikulang hindi ko maintindihan. Yung tipo ng pelikula na mapapasambit ako na "Ah, ganun pla yun!". O kaya naman patay ang lahat ng tauhan sa dulo ng kwento. Morbid.

Sa panonood ko ng pelikulang Friends with Benefits (2011), hindi na ako na culture shock, nanibago o naasiwa sa kwento dahil naranasan ko na ito (patay tayo dyan!...ahahaha!) nabasa ko noon pa man ang obra ni Ginoong Eros Atalia na "Ligo na U, Lapit na Me".  Maganda ang pagkakabalanse ni Master Eros Atalia sa kanyang nobela.  Para itong roller coaster na magpapanatili sa gising mong diwa upang namnamin ang bawat eksena na iyong kinapapanabikan masundan. Unpredictable. Kailangan mo ng magtanong. Sabi nga nya sa nobelang ito:

Paano mo malalaman kung hindi ka magtatanong? Pero ang andami-dami nating nalalaman kahit hindi tayo nagtatanong. Paano ka pa magtatanong kung alam mo na ang sagot. Pero paano ka magtatanong kung hindi mo alam ang iyong itatanong? Paano mo sasaguting ang tanong sa iyo kung hindi mo alam ang isasagot? Paano ka sasagot kung hindi mo alam ang tanong. (Kunsabagay, sa buhay na ito, madalas, tama ang sagot, mali nga lang ang tanong.) 
---Eros Atalia

Nitong nakalipas na buwan, isina-pelikula na din ang nobelang ito sa parehong titulong "Ligo na U, Lapit na Me" bilang opisyal na lahok sa patimpalak ng Cinemalaya. Nakakatuwang isipin na nabigyan buhay na din ang nobelang ito sa pinilakang-tabing bagamat isa itong indie film.


Ang nasabing pelikula ay pinagbidahan nina Edgar Allan Guzman bilang Intoy at Mercedes Cabral bilang Jenny na batay din sa panulat ni Jerry Gracio, produksyon ni Noel Ferrer at direksyon ni Erick C. Salud.  Bagamat hindi nagwagi bilang Best Movie ang "Ligo na U, Lapit na Me", nakuha naman ni Edgar Allan Guzman ang karangalan "Best Performance of an Actor".  Narito ang kauting patikim mula sa pelikula.





Si Intoy, sa kauna-unahang pagkakataon, parang natuto na yatang magmahal pero hindi tiyak kung minahal ba sya o kinailangan. Sa kauna-unahang pagkakataon, parang Math problems, tama ang sagot, hindi nga lang maipakita ang solution....

Narito, ang isang nobelang may asim ng romansa, pait ng pagkabigo, tamis ng ligaya, alat ng pamumuna at anghang ng kaastigan. Handa ka na ba?

O talagang handa ka na ba?  Handa na din sana si Intoy na talikuran ang kanyang pagiging astig at ipagtapat kay Jenny ang kanyang nararamdaman sa kabila ng kanilang madalasang paglalaro ng apoy at napagkasunduan na hindi dapat mahulog ang loob nila sa isa't isa. Ang masaklap nabuntis si Jen. Ngunit mas masaklap, ang sabi ni Jen hindi daw ito sa kanya.



Biyernes, Agosto 5, 2011

Eye Test? Malabo na ba ang iyong mata?

Gaano ka kahusay sumunod sa mga panuto(instructions)?  Base sa mga pag-aaral may kinalaman daw ang tamang pagsunod sa mga panuto sa kalagayan ng ating mata.  Sa aking palagay posible nga, lalo na kung may kalabuan ang ating mata. Hindi na natin magawang makasunod sa tamang panuto. Ang mga simpleng panuto na "bilugan ang sagot" ay posibleng magiging "guhitan ang sagot"...O kaya  naman ang simpleng "walang tawiran" ay maging "tamang tawiran".... Magkagayunman, narito ang simpleng panuto na magdedetalye ng kalagayan ng iyong mata. Great discovery daw ito, kaya subukan mo na. Handa ka na ba? Kung ganun, tara na at isabuhay ang pagsunod sa panutong ito...  

1. First close one of your eye .
2. Move your mouse point at the red * below.
3. Right click at the red *.
4. Then click (select all).
5. Then you will see the result .

* Pasensya na kung na-uto kita. Ahahaha! 
Sa susunod mag-isip munang maigi bago sumunod sa sinasabi ng iba!
Tama! walang sira ang iyong mata, pero posibleng gaya na kita..
May tama sa utak! ahahaha... :)


Lunes, Agosto 1, 2011

Endorsers???

Negosyong sulit at patok ba ang hanap nyo??? Yung tipong pasok sa panlasa ng publiko? Aba! subukan na ang pagbenta ng siomai na hinahanap-hanap ng dila ng masa. Sa halagang 250,000 pesos maaari ka ng mag-franchise ng masarap at malinamnam na siomai ng Siomai House. Sa murang halagang iyan kasama na ang booth, freezer, steamer, beverage dispenser, advertising signs and signage, dalawang (2) sets ng uniform, free delivery 3x a week, at iba pang mga kailangan para sa negosyo. Kaya anu pa, sulit hindi ba? Tara na!

Ahahaha...feeling endorser lang, wish ko lang makita ito ng shomai at padalahan nila akong ng 1 year supply ng siomai at gulaman... ahahaha, biro lang... nasira kasi ang internet connection ko kaya ito tamang trip muna may ma-post lang...hindi naman siguro ako mapapagalitan ni WonderG sa pag-post ko ng picture namin dito... ahahaha... :)




[note: sa mga na-engganyo ko kung meron man narito po ang contact details ng Siomai House: 
Bernabest Food Products, Inc.
118 D.Arellano St., Bagong Barrio, Kalookan City
Tel. 447-6523, 363-0226, 332-0208
TeleFax. 362-1902
Email: siomaihouse@yahoo.com.ph
Web: www.siomai-house.blogspot.com]
Buksan!

Iba pang Kwento!

....langit.lupa.impyerno.... ...Wanted Real Pinoy... #itsmorefuninthephilippines #NBAFinals2014 20 Reasons why I like Philippines over UAE 2010 Philippine Election Inital Results 2010 Philippine Election Initial Results [Latest] 2016 3:06pm A Kish to Remember A Message from Mark Zuckerberg to Philippine users of Facebook Absolute Value Abu dhabi adik [dahil] sa'yo after 15 years after 45 days after 7 years...0307 becomes 0614 agosto para sa pilipino aheks akalain mo yun ako ako ito ako ito 1 ako ito 2 ako ito 3 alaala ng nakalipas albularyo alibata All Saint's Day All Soul's Day alyssa bernal Alyssa Bernal (part 2) an act of love Andrea Corr's State of Independence Anime ano daw? ano na ano sa palagay mo? ang pagbabalik ang panyo ang tunay na siga apila para sa masa aswan (bilang isa) Aurora Avoid Negativity Award babae babae ka lalaki ako babae sa jeep babalik ka din BabyG back to work Bago ito Bagong Bayani BagongBayani balanse baliktad ba? baliw batas ng tao bidaman Big Job Billy Crawford bilog o tatsulok blogging tips 101 (for pinoy bloggers) bored brick buhay buhay mo buhay ko buhay nating lahat Buhay OFW: Pangarap sa mga Sulok ng Kahon; OFW Buhay sa Dubai (From Writer-Researcher to Toshiba Promoter) Bukang-Liwayway bungo at buto Change is Coming chess Chip Tsao Coleen Garcia college contest Cory Aquino dies couple Crucifixion dalaw dalawang daan siyamnapu't apat na araw day-off Department of Tourism desisyon destinasyon Digong dos Duality Dubai Dupe Tara Lakad Tayo Duterte EASY $5 GIVEAWAY Endorsers??? etiquette etong sa'yo...raygun exam day Exit Eye Test? Malabo na ba ang iyong mata? facebook Facebook (Pesbuk) facebook user FAQ's first time mo? firsttime flesh-eating disease Fliptop Friendship from facebook fun Funny Exam Answers game Game 1 Game 3 Gatorade Gelika Bless get real gintuang sundang global warming a warning? google payout guro gusto mong mamatay? halimaw hanggang Happy Father's Day happy hatchday Heat vs. Spurs hiatus higante Hikab muli ako. Tunganga History of Super Gulaman Hoi Hoi HyperPanda Babies and others i love this day i love you ibigay ang hilig ikalawang ginto imahinasyon immigration Inang OFW Indian Init Introducing: Ang Anak ni SuperGulaman Iran Irrationalget isang madugong labanan isang malaking pagbabago isang pagbabalik tanaw isang pasasalamat isang sulyap sa kahapon kasalukuyan at hinaharap It's more fun in the Philippines ITCHY jeepney Job Hunting tips juan kalaro kaliwa kanan kalma lang boss kalsadang mabato Kapalaran Ayon sa Galaw ng Kalawakan (Ophiuchus) kape sa tanghali Kapitan Sino? kasinungalingang mapanlinlang katapatan katinuan katinuan...gustong magpakilala katotohanan Kawhi Leonard kisame Kish kulay kuro-kuro sa bayan ni juan laro laro tayo Learning Japanese (for pinoy) lebron james life Life is a Piece of Cake Ligo na U Lapit na Me lilok (complete) lilok 1 lilok 2 lilok: ang pagpapatuloy [1] lilok: ang pagpapatuloy [2] lilok: ang pagpapatuloy [3] lilok: ang pagwawakas limang minuto...3 miskols...ang umaga ni supergulaman Link Exchange and Other Concerns love lunes mag-enjoy kay enjoy magdasal daw twing umaga sabi ng grasya mahika ng mga kulay Makulay na Paglalaro ng mga Salita malungkot masaya mataba payat Manny "Pacman" Pacquiao Vs Antonio Margarito mapalad ka.. ikaw mapalad silang wala sa katinuan math Math is Life mcarthur mensahe mga hindi dapat gawin sa facebook minsan lang mismo Mmm Sarap modelo musika at ganda naaalala mo pa ba? NAIA NAIA' firsttime NBA All Stars VS Smart Gilas (Philippines) NBA Finals NBA Finals 2014 new design Nonito Donaire Knocks Out Fernando Montiel numero OFW ouch our life Pa-digits Digits Pa Kasi pag-uuri Panahon na Naman [ng Pag-ibig?] Pananabik sa Tag-init Pangasinan pangpasaya Para patay na nabuhay peace be w/ you pelikula Philippine Grand Lotto 6/55 Pi Pilipinas Pilipinas: Sa Pagkakakilanlan Pinoy Version of some Hollywood Movies please help praning Prayer in Mathematics Propesiya at Pilipinas Prophecy Proud to be Pinoy punto ko punto mo Puso ng mga Halimaw Puting Damit Rapido Vs Smugglaz real name regalo Reproductive Health Bill REULEAUX TRIANGLE: ROLLING TRIANGLES Rubber Sadhu Sundar Selvaraj salamat salamat kaibigan sampung taon sayang school Selda Uno Dise Otso seryosong usapan showtime Si Mara at Pamela siga o adik silbi simbulo sino ang tamad? Sino si Santa Claus? sintang paaralan Sistema ng Numero Sistema ng Tao skin makati SONA 2011 TRAFFIC RE-ROUTING SCHEME and MORE sorpresa streetfight Stretch Marks subic sulat kamay Sumusungaw na Chatbox Super Super G sa PBB? super G turning super busy Super Gulaman sa Bayan ng mga Arabo (Part 1) Super Gulaman sa Bayan ng mga Arabo (Part 2) supernatural ta tagapagpalaganap ng pag-ibig tamang trip tamang trip (ikalawang pasabog) Tanong Ko Sagot Mo tanong lang Tangent Line tao tao tao saan ka gawa? tatsulok tayo... The 2010 Oscar Winners The BENEFITS of SEX The Five Love Languages the golden rule the reunion The True Story of Manny "Pacman" Pacquiao thursday time for sale Time Travel Times of Your Life Tingi Culture Toshiba Toshiba Champs Toshiba’s Wet and Wild Adventure in Atlantis Trabaho ba ang hanap mo? Twitter UAE UFC Ulam at Kanin uri ng mundo usapang buhay Usapang ChikenJoy usapang itlog at manok usapang kadiri usapang kadiri (Part 2) wala wala akong medyas wala lang wala naman kaming napala walong palakaibigang adik warm-up when SuperG meets BabyG who are your customers? WiFi Won over Antonio Margarito world peace Zamboanga del Sur
Related Posts Plugin for WordPress, Blogger...