At yun na nga, November 13 2021, nagfile na ang COC si Mayor Sara Duterte para sa pagtakbo bilang bise-presidente. Solve na sana ang lahat dahil BBM-Sara 2022 na. Pero bakit biglang nag-iba ang ihip ng hangin? At biglang gusto na ni PRRD na tumakbo ulet para sa National position pero lagi nyang bukang bibig na hindi na sya tatakbo dati. Ang siste at kwento ng mga maritess, may nagmamaniubra kay PRRD partikular sa PDP at kanyang gabinete at tinutulak nila ito na tumakbo bilang bise-presidente. Kaya nga weird na kakalabanin niya mismo ang anak nya sa pagka-bise. Ang sabi naman ng iba taktika lang daw yun. Ok. Theory tayo. Alam natin na malapit si Bong Go sa Pangulo. Pakiramdam ko nga mas close pa ito kumpara sa mga anak nyang si Sara at Baste. At hindi naman lingid sa lahat na may political ambition si Go base na din sa gabay ni PRRD. Tumakbo si Go bilang bise-presidente dahil ang akala nya at ni PRRD na hindi na tatakbo si Sara at mananatili na lang ang huli na maging Mayor ng Davao.