...subic...

ito na naman po ang inyong superhero na nagbabalik matapos ang hindi naman katagalang bakasyon... at dahil dun, narito po ang ilang larawan na gusto ko din naman na ibahagi sa inyo...ang mga larawan na inyo pong makikita ay larawan ng aking ilang mga ka-officemate kasama ang kanilang mga anak... at syempre hindi ko po dyan kasama ang aking Grasya...sana kasama ko sya no?...haaysss... ngunit ganun pa man, aking isinama ang aking kapatid...at dahil nga wala syang pasok ngayon sa eskwelahan..isinama ko na din para malibang...

ang aming lokasyon...subic, arizona international hotel&resort... nakakatuwang isipin na matapos ang pang-araw araw na trabaho sa buong taon ay mayroon pa lang tinatawag na summer outing... ahehehe...muntik ko na sana itong kalimutan at hindi na asahan dahil sa hindi pagpaparamdam ng aming mga bossing na may outing pa din pala kami...bagamat naging kultura na din naman namin ang mag-outing tuwing summer ng taon ay medyo nag-alinlangan pa din ako ngayon dahil sa global recession na tinatawag...

...mula sa aming mga nakaraan bakasyon sa mactan cebu, sa calatagan sa batangas, sa rockpoint sa laguna at ngayon sa arizona ng subic kakaibang karanasan nanaman ang nadagdag sa aming pagkatao... naging masaya naman ang aming pagtigil sa Arizona hotel ng subic dahil sa ganda ng ambiance...ngunit sa kabilang banda kapansin-pansin pa din ang dami ng mga dayuhan sa lugar... magkagayunman, kapansin-pansin pa din na halos lahat ng dayuhan na nadoon ay pawang mga lalaki...bibihira ka makakita ng mga dayuhang babae... bukod sa ganoong tanawin, kapuna-puna din na ang mga dayuhang iyong ay may mga kasamang mga Pilipina na hindi ko alam kung ano ang drama nila sa buhay at ayaw ko ng pakialaman iyon...

...sa kabuuan naging masaya naman ang aming pamamasyal at pagtigil sa lugar na iyon...pero sabi ko nga... sayang kung kasama ko lang sana ang grasya...totoong masarap kumain sa hotel at ilang food chain na nandoroon, pero mas masarap ang aking pagkain kung kasabay ko sa hapag ang grasya... hindi rin matatawaran ang sarap at lamig ng aircon ng kanilang kwarto, pero hindi ko pa din ipagpapalit ang lamig ng ihip ng hangin ng bentilador sa aking kwarto... totoong masarap humiga sa kanilang kama at masarap ang hagod ng kanilang comforter sa katawan na nagpapahimbing ng iyong tulog...pero hindi ko pa din ipagpapalit ang kumot na bigay ng aking Grasya na aking ginagamit sa panahon man ng tag-ulan o maging sa tag-init...ang pagmamahal na nakapaloob sa simpleng kumot na iyon ay hindi ko ipagpapalit sa comforter ng nasabing hotel...mis na kita...