...Time Travel...

Time travel, posible nga ba? Taong 1895 ng isulat ni H.G. Wells sa kanyang nobela ang pagkakalikha ng isang makinang may kakayahang makapaglakbay sa nakalipas at hinaharap na panahon. At ang nobelang ito din ang naging dahilan sa pagbuo ng mga pelikulang "The Time Machine" noong 1960 at 2002. At dahil na din sa mga ideyang ito, maraming eksperimento at siyentipkong pag-aanalisa ang ginawa upang maipaliwanag ang posibleng pagkakalikha ng "Time Machine".  Iba-iba din ang naging reaksyon ng mga relihiyon ukol dito at ilan sa kanila ang nagsasabing posibleng mangyari ito batay na din sa turo at kwento ng mga relihiyon.

Siguro pamilyar na din kayo sa teorya ni Albert Einstein ukol sa "speed of light" o ang "Theory of Relativity". at ang kinalaman nito sa time travel.  Sinabing ang tumbasang (equation) E = mc² na mas kilala din sa taguri na "mass-energy equivalence" na sinasabing ang bilang ng enerhiya (energy) ng isang bagay ay maaring madetermina batay na din sa bilang ng kanyang "mass" at "speed of light (c)". Sa pormulang E = mc² ang "E" ay ang energy, ang "m" ay ang mass at ang "c" ay ang speed of light. Batay na din sa mga experimentong ginawa, sinasabi ni Einstein na posibleng gawing Energy ang Mass ng isang bagay sa pamamagitan ng prosesong kung tawagin ay "Annihilation" na mangyayari lamang kung ang bagay (matter) ay maihahalo sa kanyang katugmang "anti-matter". Ang "anti-matter" ay maaaring magawa sa mga laboratoryo na kung saan kaya nitong siraan ang bagay ng ilang sandali lamang.  Ang reakyson sa pagitan ng matter at anti-matter na kung kung tawagin ay Annihilation ay nagreresulta sa pambihirang enerhiya.  Pinatunayan ito sa pagkakalikha ng "Atomic Bomb" at ang pormulang E = mc² ay kayang idetermina ang lakas ng Enerhiya batay na din sa Mass ng protons na nasa "Atomic Bomb".

Eh ano naman ang kinalaman ng E = mc² sa time travel? Kung ating babalikan ang nilalaman ng mga pormulang ito, nakakabit dito ang speed of light na  may bilis na 299,792,458 metres per second (approximately 186,282 miles per second). Na nangangahulugan din na ang paglalakbay sa ganitong bilis ay makaramdam ng kakaibang pagbabago sa oras. Sa katunayan ang mga pilotong naglalakbay sa himpapawid na wala pa nga sa bilis ng liwanag ay nakakaramdam na ng kakaibang pagbabago sa oras.  Sinasabing kung magagawa lamang natin na makapaglakbay sa bilis o ng mas mabilis pa sa liwanag ay magagawa din nating makapaglakbay sa iba't ibang panahon.

Pero posible nga ba?  Hindi ko alam. Kung magagawa man natin iyon, magkakaroon na ng malaking pagbabago sa sangkatauhan.  Sabihin natin na makapaglalakbay tayo sa hinaharap. Sabihin nating pumasyal tayo sa taong 2020.  Sa panahong ito, posible nating makita ang ating sarili 10 years from now.  Pero posibleng hindi din ito tayo. Bakit? Nagbabago kasi ang ating hinaharap batay sa ginagawa natin.  Nagbabago ang ating hinaharap batay na din sa desisyon natin sa buhay.  May malaking pagkakaiba sa  hinaharap ang  desiyon mong basahin o hindi basahin ang blog na ito.  Bakit? May oras kasing nasayang o hindi nasayang. Nangangahulugan lang din na posibleng magkaroon ng tinatwag na "Parallel Worlds or Parallel Universe". Kung napanood mo na ang pelikulang "The One" ni Jet Li, "Fairy Tail" sa Manga at "Hitman Reborn" na anime, ang mga mundong sinasabi nila ay ang tinutukoy ko. Sa "Parallel Worlds" nandun ang maraming tulad natin. Ibig sabihin meron SuperGulaman na nag-eexist sa ibang mundo, hindi lang isa, hindi lang dalawa kundi hindi mabilang.  At sa lawak nga ng kalawakan posibleng meron nga noon at posible din na may iba pang kalawakan kumpara sa alam nating kalawakan na parang numero na hindi alam kung hanggang saan ang katapusan. 

Sa katunayan, iniisip ko pa lang ang mga ito, sumasakit na ang ulo ko.  Magiging komplikado ang simple kong buhay.  Ito ang napapala ko sa pagtunganga ko ng madalas. Ikaw? Gusto mo bang pumasyal sa nakaraan at hinaharap? Hayaan nyo, kung makakalikha ako ng time machine, kayo ang mga pasahero ko.  Pero bago ko gawin yun, iisipin ko muna kung pano gumawa ng magic wallet na hindi nauubusan ng laman.