Ber Na.

Dalawang araw mula ngayon ay "BER NA".  Pera teka kilala mo ba si BERNA? Alam ko kilala mo sya. Sige ganito, ang sabi sa tsismis, siya di umano yung babae na nanakit, nambugbog sa 3-taong gulang na batang si MJ.  Alam ko gets mo ako, dumaan na yan sa facebook feeds mo, nagbasa ng mga komento, nainis, natawa, nagalit, nag-beast mode. Nagshare ng post, nag-edit ng larawan at nag-post. Nanood ng Tulfo at muli  nagbasa ng mga komento, nainis, natawa, nagalit, nag-beast mode. Repeat refrain.  

Ang tanong ko lang, may nagawa ka ba, o may naitulong ka bang makabuluhan?

Sumunod na kwento, yung mga traffic violators na nakipagmatigasan sa MMDA na kesyo hindi daw mapatunayan yung 5-minutes nya. Na piskal at buntis daw sya sabi ng asawa. Alam ko gets mo ako, dumaan na yan sa facebook feeds mo, nagbasa ng mga komento, nainis, natawa, nagalit, nag-beast mode. Nagshare ng post, nag-edit ng larawan at nag-post. Nanood ng sorry nila sa TV Patrol at muli  nagbasa ng mga komento, nainis, natawa, nagalit, nag-beast mode. Repeat refrain.  

Ang tanong ko lang, may nagawa ka ba, o may naitulong ka bang makabuluhan?

Isa pa, yung mga kabataang bugok na pinaglandakan ang tamang paraan ng paggamit ng Marijuana.  Kung paano nila hinamon at minura ang Presidente.  At kung paano pinakilala nila sa buong Pilipinas ang kapabayaan ng kanilang mga magulang. At ngayon nahuli/sumuko na sila, umiiyak at humihingi ng paumanhin sa madla. Alam ko gets mo ako, dumaan na yan sa facebook feeds mo, nagbasa ng mga komento, nainis, natawa, nagalit, nag-beast mode. Nagshare ng post, nag-edit ng larawan at nag-post. Nanood ng sermon ng Pulisya at muli  nagbasa ng mga komento, nainis, natawa, nagalit, nag-beast mode. Repeat refrain. 

Ang tanong ko lang, may nagawa ka ba, o may naitulong ka bang makabuluhan?

Alam mo ang makabuluhan? Huwag kang magtapon ng basura sa lansangan, para lang pulutin ng mga taong walang pinag-aralan.

Pasko na ulit, nagbago ka na ba?

Ciao.

#Berna
#fiscalvsmmda
#weedkidsvsduterte
#paskonaulet
#realtalk