aswan (bilang isa)

Matapos ang libong araw ng paghihintay, muli... nakapiling na kita. Maramdamang muli ang sarap at gaan ng buhay sa iyong piling.  Sabihin nating hindi naging madali ang paghihintay ng halos pitong taon. Na sa kabila ng matyaga at sakripisyong ibinahagi nakuha pa kitang labis na saktan. Saktan sa paraang kahit ang sarili ko'y hindi makapaniwala at hindi maintindihan. Mahal kita pero anong ginawa ko? Dahil ba yun sa labis na pananabik sa iyo? Na sa paglipas ng pitong taon ay lagi kong hinahanap ang presensya mo? Na lahat ng masasayang sandali sa piling mo ang syang hanap ng puso ko? Na dahil sa pangungulila ay hindi ko namalayang sinaktan na pala kita...sobra sobra.  Hindi ko alam kung paano ko pagbabayaran ang mga kasalanang nagawa at kahit alam kong pinatawad mo na ako...alam kong hindi iyon madaling malimutan. Gusto kong sisihin ang sarili ko at wala ng iba. Ang gusto ko lamang ay mahalin ka at tanging ikaw lamang...habangbuhay.

Ilang araw mula ng ikaw ay nagbalik, hindi naging madali sa atin ang pagharap sa katotohanan, pero pinatunayan ng iyong wagas na pag-ibig na kaya natin itong lampasan at ilan pang pagsubok na ating pagdadaanan. Pagsubok na ating susuungin at ligayang ating pagsasaluhan ngayong tayo'y iisa na. 

Ang sarap ng umaga. Na sa twing imumulat ko ang ang mata, ikaw ang aking nakikita.  Isang masarap na halik at magandang umagang pagbati na higit pa sa katumbas ng pinakamasarap na kape sa umaga. Totoo hindi ko magawang tumbasan ang pagmamahal mo, pero hayaan mo akong mahalin ka sa paraang alam ko at kaya ko.  Hayaan mong patunayan ko na karapat-dapat ako sa pag-ibig mo.  Hindi ako nangangako sa kadahilang ayaw ko ng sumira ng pangako. Gagawin ko ito hindi lang dahil para sa pangako..kundi dahil sa tunay na pintig ng puso...kundi dahil sa pagmamahal ko sa iyo.

At ngayon ngang ikaw ay pagbabalik hindi ko na hahayaan pang lumayo ulit sa iyong piling ng libong araw.  Hindi ko na hahayaan masaktan muli. Mananatili na ako sa tabi mo kahit saan mang dako ng mundo.  Mananatili akong stalker iyong buhay tulad ng ating unang pagtatagpo.

I love u so much Mrs. Mary Grace A. Madali

Ok. Game na!

[P.S. Kasalukuyang nakabakasyon pa din kami dito sa Bohol.  Panadaliaan tumigil sa Nueva Ecija, Umikot ng bahagya sa Cebu at uuwi din sa Rizal. Nakakapagod na paggala pero walang katulad na kasiyahan..hindi maipagpapalit at mabibili..peksman!]