Lumaktaw sa pangunahing content

Itchiness to Laziness


So what now? Ano na nga ba?Ang daming nang dumating na mga pagbabago sa buhay ko ngayon.  Bukod sa makating pakiramdam.  Yes! Welcome to my itchy world!, balik na nmn ako sa mainit at maalikabok na daidig ng mga arabo.  Hays, ang hirap nga eh, ngayon ko lang naranasan ang napakating pakiramdam.  Ah, alam ko na, hindi yang pangangating nasa isip mo-- malisyoso! Ang ibig kong sabihin, nagdurusa ako nga sa hindi ko mawaring pangangati ng buong katawan na maaaring dulot ng mainit at maalikabok na paligid.  Dahil dito, animo'y isang tigang na lupa ang aking balat...nagbibitak, nagbabalat. Na tipong kapag tumungo ka sa SPA ay tatanggihan ka nila dahil malulugi sila sa kaka-is-is sa iyong balat.  Mamumulubi ka din sa pagbili ng petroleum jelly at lotion.  Hindi ka na din maaaring gumamit ng mababangong sabon at shampoo sa halip gagamit ka ng sobrang mahal na sabon at shampoo na walang amoy.  Nagdurusa ako ngayon, hindi ko na alam ang gagawin ko at sana nga gumaling na din ako. Nagpatingin na din ako sa doktor, ngunit tila isa lamang itong laro sa kanila.  Hindi nila ako sinoryoso, binigyan lamang ako ng ilang gamot. Sa katunayan Anti-histamin at ointment lang ibinigay nila.  Hindi man lang ako kinuhaan ng dugo or kahit na anong laboratory test...at ang malupit hindi din nila sinabi kung ano ang nangyayari sa akin.  Base na din sa nababasa ko sa internet.  Parang meron akong chronic hives.  Pero hindi tayo sure.   Base sa sintomas na naararamdaman ko, ay parang yun nga..  Para akong binabalatan ng buhay matapos ang isang atake ng hives.  Pero sa kabila nito, sa mukha ko ay medyo naging maganda ang epekto.  Nagbalat ang buo kong mukha, naalis ang mga pekas, parang korean na walang pores. Yun nga lang sensitibo pa din sa init at lamig. Oha!

Past...este...Fast forward... Ilang buwan din ang nakakalipas nung sinulat ko ang unang talata sa itaas. Malamig na ngayon.  At tila ba lumamig na din ang dating mainit at makating pakiramdam.  Naghilom na din ang mga gasgas na dulot ng madalasang pagkamot sa balat.  Nakakaranas pa din naman ng pangangati pero hindi na katulad ng dati. At katulad ng dati, gwapo pa din (ang kumontra sumpain na mangangati din, lols!). Pero kaunting lotion lang. Onting anti-histamin, onting-cream, ayos na ayos na ang pakiramdam.

Sa ngayon problema ko naman ang pagbigat ng aking katawan. Marahil na din sa katamaran.  From itchiness, now to laziness.  Paano kaya ako magpapayat ng hindi nag-da-diet or exercise? Any ideas? Brilliant ideas?

Mga Komento

Mag-post ng isang Komento

Mga sikat na post sa blog na ito

...Jeepney...

...sarao, mega, armak, malagueña, hebron, at marinel...pamilyar? ...oo, tama mga kilalang pangalan yan sa produksyon ng mga jeepney na pumapasada sa kalakhang Maynila at iba't ibang dako ng Pilipinas...hindi ko nga lang alam kung patuloy pa din ang kanilang pananatili sa merkado... matapos tumumal ang paggamit ng kalesa na syang dating simbulo ng transportasyon ng Pilipinas, naging kultura na nga pilipino ang paggamit ng jeepney... ang mga dating kutsero ay nagsimula ng mag-aral ng pagmamaneho ng jeep at dahil sa may mga pagkakataon na namimiss nila ang kanilang mga kabayo na idinoneyt sa Sta. Ana at San Lazaro, naglagay na lang sila ng pigura ng mga kabayo sa unahan ng jeep...totoo, masyadong senti ang mga Pilipino pagdating sa mga bagay na nakasanayan na... hindi nya ito agad binibitawan hanggang matutunang iayon ang sarili sa dapat nyang malaman... matapos ang ikalawang digmaang pandaigdig at paglisan ng mga Amerikano sa bansa...ang tira-tirang Jeep na ginamit sa digmaan ay mu

...the golden rule...

[repost by request].... mula ng magawa ko ang entry na " Time for Sale ", kung saan pinaliwanag na ang oras ay hindi lang ginto (time is gold)...nagkainteres din ako sa konsepto ng Golden Rule... malamang sa malamang sobrang familiar na tayo sa konseptong ito...ano nga ba ang golden rule?....ang sabi sa bible: "Do unto others as you would want done unto you." (Mt 7:12/Lk 6:31) ang sabi naman sa Budismo: "Putting oneself in the place of another, one should not kill nor cause another to kill" ( Harris E.J. 1997 ) ...halos ganito din ang mga konsepto ayon sa Confucianismo: "Never impose on others what you would not choose for yourself" (Confucius, Analects XV.24, tr. David Hinton) ...maging sa Islam ito rin ang sinasabi, sa katunayan isang sermon ni Muhammad na tinagurian The Farewell Sermon ay sinabi nya: "Hurt no one so that no one may hurt you" ...marami pang mga mga organisasyon at relihiyon sa mundo ang naniwala sa k

Bukang-Liwayway

Mabilis na pumaindayog at lumayag ang mahigit sangdaang milyong segundo na puno ng pananabik sa biyayang sa puso inukit. Matapos ang takip-silim at anino ng kalungkutan, muli ng magtatagpo ang araw at kaparangang pinaglayo ng pag-inog ng daigdig. Isangdaang libong minuto na lamang ang nalalabi at muli ng matatanaw ng kaparangan ang araw na nagtago sa likod ng daigdig. Araw na milyong milya ang tinahak para sa kaparangan nyang iniibig. Sinuong ang bangis ng mga ulap at lason ng hangin upang tuparin ang pagyakap sa kaparangang naghihintay sa pagsapit ng bukang-liwayway. Sa pagyakap ng sinag ng araw sa kaparangan at paghalik ng kaparangan sa araw, doon muling magsisimulang pumitak ang oras. Pagpitak ng kaligayahan na sa alapaap manunulas, iikot, magpupumiglas. Kaligayahang walang katumbas, hindi mailalarawan ng saknong, talata at rehas ng mga salita. Hangin ay iihip tulad ng haranang dalisay sa katapatan at pagmamahal para sa kanyang nililiyag. Hanggang sa wakas.