Miyerkules, Hulyo 25, 2012

HyperPanda Babies and others

Natapos na naman ang magdamag.  Hindi ko naman masasabi na naging mahimbing ang aking pagtulog dahil sa mga hinayupak na surot na ito. Nakagigigil, masarap tirisin at makitang sumirit ang dugong sinipsip nila mula sa akin. Kung hindi lang ako inaantok ay malamang na kumuha ako ng karayom at isa isa ko silang pagtutusukin hanggang sa magbulwakan ang kanilang lamang loob. Kung pwede lang siguro akong kasuhan ng murder ng mga surot na ito, malamang sa malamang na mahaba na ang aking sistensya sa dami ng napatay ko sa kanila. Siguro kung may magtatanong sa akin kung ano ang pinakaayaw ko sa Dubai bukod sa mga amoy kilikili, una na don ang mga surot. Oh sige ranking muna ng 10 Things that I hate in Dubai.  Teka hindi lang things, kasi pati hayop kinaiinisan ko.  Oo! Hayop! Hayop sa baho.  Ok eto na:

1. Surot
2. Mga amoy baktol
3. Mainit.
4. Sand Storm
5. Mayabang na gwardya na astang manager.
6. Curry, Masala (Amoy pa lang ayaw ko na, kainin pa kaya?)
7. Over-priced Filipino Goods. (5 pirasong tuyo = 9 AED or 99 PHP??? Come on?!)
8. Non-sense policies (tulad ng bawal mag-sipilyo sa public toilet! pero maghugas ng paa sa lababo pwede.)
9. Tanong na walang kwenta. (Do you have wireless cable??? HUWAAAT?!! Hindi ko alam sa Year 3001 baka meron na nun.)
10. Mga Pilipinong umaastang hindi Pilipino sa isip, salita at gawa. (Subukan nyo lang umuwi sa Pinas, ihahagis ko kayong lahat sa Pacific Ocean.)

Pero bukod sa mga yan marami din naman akong dapat ikatuwa sa pagpunta ko dito. Bukod sa kasama ko si WonderG, meron din akong mga SuperFriends. As in friendS kasi medyo dumadami na sila dahil sa paglipat-lipat ko ng outlet.  Well, nasaan na ba ako ngayon? Sa HyperPanda DFC.  Kung alam mo yun, aba bisitahin nyo naman si SuperGulaman at makipagbaliktaktakan parang "The Buz"...ahahaha!. Balik tayo sa aking mga SuperFriends sa office automation ng Hyperpanda.  Ang sabi ko noon una ipakikilala ko sila sa inyo.  Mapangahas kong binalak na i-post ang mga larawan nila isa-isa dito pero wag na lang baka matunton sila ng kanilang pinagkakautangan (Pero ang totoo nyan wala akong mga pictures nila, hindi pa kami lahat friends sa FB..add nyo na kasi ako bhoyet31@yahoo.com). So ganito na lang, pakikilala ko sila batay sa pagkakaalam ko, yung hindi ko alam problema nyo lng muna yun ok? O sige eto na! Oppsss.. office automation lang muna ha? yung mga taga-ibang department tsaka na muna.

1. Chad. Richard ang real name, pwede ding tawagin chaddy. Promoter ng BENQ na inuto ng kanyang amo na magbakasyon sa Taiwan ng 3 taon este 3 araw.  Ang siste, abunohan daw nya muna ang visa nya, ayun nakabalik na sya hindi pa din bayad.  Pero naniniwala pa din sya na babayaran sya ng kanyang amo.  Hindi yata "tiwala" ang kailangan "Pananalig" dapat.  Ahahaha. Sabi nya maganda daw ang BENQ camera, naniniwala naman ako, hindi nga?

2. Vanessa. Lab team ni King. Promoter ng Touchmate. Sabi nya, No. 1 company ang Touchmate sabay turo sa Tagline ng company (Professinol Range of Desktops and Notebooks).  Oo, as in PROFESSINOL!  Kasalukuyan syang naglalaro ng NBA2K12.

3. Errol a.k.a. King. Lab team ni Vanessa.  Hindi daw sya babaero, nagkataon lang na maraming nahuhumaling sa alindog nya. Note: Lab team nya lng si Vanessa hindi jowa.  Kung jowa naman, no comment ako dyan or pwede ding sabihin na m2m...many to mention??.

4. MJ. Promoter ng Nikon at Fujifilm. Ang sabi nya tumataba na daw sya, pero hindi naman talaga, lumalaki lang tyan (Peace!).  Lagi silang busog ni Vanessa. Bawat alis nila  sa selling area at baba sa canteen, asahan mo ang kanilang malaking ngiti at tyan sa pagbalik. Ahehehe.

5. Kuya Sherwin. Bago pa man kami nakaka-bonding nito. Malupit na taga-benta ito ng JVC at landline phones. Bukod dun, ang sabi sa chismis, magaling daw ito mag-alaga lalo na pagdating sa pag-ibig. Mmmmm...no comment muna. Kasalukuyan silang naglalambingan ni Huwawi!.. ^_^

6. Kuya Allan. Ang sabi nila peborit daw nya ang munggo at hindi daw totoo ag highblood. Ahahaha.  Pero kung makikita nyo lang sya hindi mo iisiping nasa 40 years old na sya.  Parang nasa 39 lang sya. Ahahaha.  Pero seryoso, mapagkakamalan mo syang nasa 30 lang.  Sa aking palagay, ang sikreto ay ang pagiging palaging masaya.  Maging masaya ka lang, gagaan ang takbo ng buhay at babata ka by face and by heart. 

7. Kuya Dennis. Para sa akin sya ang no. 1 salesman ng HyperPanda.  Ahahaha. Hindi yan pambobola, seryoso yan.  Kung pagdating sa trabaho, wala kang masasabi sa kanya. Bentahan ng item, handling of customer complaints, decision making and creation of good working environment, lahat yan pasok sa kanya. Pag may ni-request or pinaki-usap ka, ora mismo solve na.  Hindi katulad ng mga iba na animo'y Burgis kung umasta.  Mga burgis na astang magaling, maingay na parang lata pero walang laman.

8.  Kuya Arnie.  Natutuwa ako sa taong ito.  Makulit minsan, seryoso minsan. Pero ang gusto ko lang hiramin sa kanya ay yung nakakatuwang manicure set nya. Basta pahiram nyan minsan.  Ahahaha.

9.  Kuya Oliver.  Tawagin nating syang Mr. handling of customer complaints.  Kahit na anong galit ng customer, basta sya ang kinausap, sigurado lalamunin ng hiya ang galit nila.

10. Mumtaz. Promoter ng MSI.  Taga-Pakistan. May kakulitan at kapilyuhan din pero minsan seryoso naman. Masasabi kong hindi kami competitors.  Bigayan din kasi kami pagdating sa benta.  Hindi tulad ng iba, magkalahi nga kayo, pero pagdating sa bentahan susulutin pa. O kaya naman kausap mo na, nakiki-epal pa. Nakakainis kaya. Pero si Mumtaz iba, meron syang konsiderasyon at maayos na pakikisama.

So ayan na... sige na.  Hala bira! ^_^

Mukhang ganado na naman magblog ang poging bida....Woaahhh! ^_^


Lunes, Hulyo 23, 2012

Para!

Writer's block. Black and blank.  Yan ang pakiramdam ko ngayon. Hindi na ako makapagkwento ng buong sigasig tulad ng dati.  Na tila ba lahat ng kakulitan, yabang at angas sa pagsusulat ay lumipas na. Pero siguro nga, lumipas na....

Ang hirap...tatlong oras na ang lumipas ng simulan ko ang talata na nasa itaas at sa hanggang sa sumandaling ito, hinahanap ko pa din ang tema at patutunguhan ng sulating ito at may pangamba na muli ay mahulog sa draft at hindi na mai-publish.  Sige lang, hanggang may gana... tipa..tipa... sa laptop na animo'y kalan dahil sa init na binubuga. Tulala...Titig sa webcam window...pinagmamasdan ang pagkisig at galaw ni BabyG mula sa kanyang higaan.  Umiyak si BabyG. Saklolo naman ang kanyang lola dala ang inuming gatas.  Pambihira ang gatas na ito. Bukod sa kaya nitong patahanin ang palahaw ni BabyG. Para itong alak na nakakalasing at pagkatapos ng pagdighay ay tulog na naman ang batang makulit. Nakakatuwa... Nakakamiss...

Totoo iba na ang mundong ginagalawan ko.  Hindi na katulad ng dati at malayo na sa dating gawi.  Wala na ang 3 missed calls namin ni WonderG dahil magkasama na kami ngayon.  Wala na puyatan sa chat, dahil sabay na kami sa pagtulog.  Wala na ang mga gabing pag-alala dahil sa pag-iisa ng bawat isa sapagkat ngayon magkasama na kami tuwina. Ngunit katulad ng karamihan ng mga magulang na nangibang-bansa, nandun pa din ang lungkot, pagka-miss, pangungulila sa anak na iniwan sa sariling bayan at ang tanging panghahawakan nyo ay lakas ng loob at tiwala sa Maykapal na darating din ang panahon na kami'y magkakasama-sama.

Time check.  11:56am.  Halos alas-dose na.  Hinhinto na muna ako sa pagtipa, dahil mamayang ala-una maliligo na ako para pumasok hindi na katulad ng dati sa opisina kundi sa selling area ng HyperPanda. Kung sisipagin baka bukas ulet at pakikilala ko sa inyo ang bida sa outlet na ito.

Salamat. Para muna. Baka humaba pa.  Nakapagod kayang magbasa ng blog entry na sobrang haba.

"Fool the string to stuff"... kailan ko kaya makikita ulet ito.

Para! Dyan lang po sa tabi!


Huwebes, Hunyo 7, 2012

Introducing: Ang Anak ni SuperGulaman

"Nakabalik ako sa lugar ngunit hindi sa parehong pagkakataon." Ilang buwan na nga ba ang nakalipas buhat ng iwan ko ang lugar na kinalakihan? Ilan buwan na nga ba ang nakalipas subukan kong ibahin ang pare-parehong takbo ng buhay? Ahhh...halos labingdalawang buwan na...isang taon na.

Ang bilis ng takbo ng panahon parang kelan lang ng buong sipag si SuperGulaman na sumisirko sa mundo ng blogesperyo. Kwento ng kalokohan, kwento ng saya, kwento ng lungkot, kwento ng laman ng utak, kwento ng pag-ibig, kwento ng pangungulila, kwento ng bayan, kwento ng pinoy, kwento para sa pinoy, kwento ng buhay, at kwento ng walang limitasyong imahinasyon. Lahat ng iyan ay tinema ni Supergulanan sa halos isang dekadang blog na ito. Pero nasaan na nga ba sya? O natatandaan nyo pa ba sya?  May alam ka pa ba sa kwento ng buhay nya?

Ako si SuperGulaman....SuperG ang tawag ng ilan.  Roger Madali ang tunay na ngalan.  Bhoyet para sa kanyang pamilya at mga kaibigan.  Mahal naman para sa kanyang WonderG at Daddy na din para sa kanyang BabyG.  Welcome to the world Gelika Bless! Say hi to all your fans.  Dapat magmana ka din kay daddy at mommy...mga artistahin! Ahehehe.


Sabi nga nila, kung gaano ka kasaya nung nagmahal ka ng isa, paano pa kaya kung dalawa na sila.  Tama hindi ba? Kaya nga WonderG at BabyG, sobrang mahal kayo ni SuperG.

Padating na ako anak, domestic airport na ako... ^_^

Biyernes, Marso 9, 2012

Buhay sa Dubai (From Writer-Researcher to Toshiba Promoter)

Apat na libo, dalawang daan, siyamnapu't pitong milya ang distansya ko ngayon mula sa lugar na kinalakihan, lugar na nakasanayan at lugar na muli kong babalikan. Ika nga nila, "There is no place like home." Kung kaya nga kahit na anong ayos ng sistema dito sa Dubai, mas nanaisin ko pa din balikan ang magulong buhay sa Pinas.  Sabagay ilang taon lang din naman, kayang-kaya natin yan aking WonderG para na din sa ating padating na BabyG.

Minsan may mga punto na hahanap-hanapin mo pa din ang magulong lansangan ng EDSA, makakapal na usok mula sa tambutso ng mga sasakyan, mga buwis-buhay na pagsampa sa rumaragasang hari ng kalsada--ang paborito kong Jeepney ng Pinas, mga mandurukot sa Quiapo, isnatser sa Divisoria at mga tulo-laway na katabi sa Jeep. Pero sa Pinas, impeyrnes (imfairness or unfairness??) chamba lang ang magkaroon ng katabing amoy tinapay, tinapay na kung tawagin ay putok. Pero dito sa Dubai, kahit mukhang malinis, amoy "undefined micro-organism" pa din.  Yung tipo ng bacteria na hindi kayang i-classify ng mga scientists dahil sa labis na kabantutan.  Yung tipo ng amoy na kayang painitin ang ulo mo, mamantal ang buong katawan at magkulay barney ka, yung amoy na dumidikit sa balat, pumapasok sa pores, at sumisira ng respiratory at digestive systems mo.  Ganun sila dito, swertehan na lang kung maligo sila. yung swerte na yun ay katumbas ng chance mong manalo sa lotto na 6/55.  Tapos ang masaklap pa dun, aakalain pa ng lahat na kabilang ka sa mga yun, kawawang SuperGulaman, laging biktima ng diskriminasyon.  Pero magkagayun man, paunti-unti nasasanay na din ako sa bago kong mundo. 

From writer-researcher to promoter.  Swabe di ba? Malayo sa trabahong nakasanayan ko ng halos pitong taon.  Promoter ng laptop, taga-benta ng laptop, salesman ng laptop, yan ang trabaho ko ngayon, mambola. Kung sakaling gusto nyong magpabola, pasyalan nyo lang ako sa Geant Ibn Battuta.  Bebentahan ko kayo ng laptop na hindi madaling masira--Toshiba.

Customer: What is good in Toshiba laptops?
SuperGulaman: Not just good. But the best thing in Toshiba Laptops is "You don't have to buy new laptop for the next coming years".
Customer: Ok, Give me 10 of this.

Fujitsu Promoter: Fujitsu is the world's number one laptop.
SuperGulaman: Ok. then Toshiba is ranked zero. We are the world's number zero laptop....:)

Since nandito na lang din naman ako, babatiin ko na din ang katropa ni Super Gulaman sa Geant.  Si James ng MSI , si Aaliyah ng Samsung, Si Kat ng ASUS, si Rem ng Sitecom, si Kat ulet ng Altec Lansing at ang kupal ng Fujitsu babatiin ko na din, hinayupak ka nalingat lang ako sandali sinulot mo ang customer ko. Nawa'y wala silang pasisihan sa waterproof mong laptop na ang totoo'y spillproof lang yan. Ahehehe, baka mahalatang may grudge ako ah.  Batiin ko na din si Mang Dennis, salesman ng Geant, hinay-hinay lang sa pagbenta ng Sony, tutulungan ka din nmin dyan, sayang ang 50 AED.  Basta pag-off ko, bentahan mo lang ako. Sa ngayon wag muna, paubos na ang stocks ko, baka isipin ng kinauukulan bolero talaga ako at itaas ang target ko sa isang buwan.

Chika-chika aw...^_^



Lunes, Pebrero 13, 2012

Super Gulaman sa Bayan ng mga Arabo (Part 2)

Other Me: Helo Roger, Haw ar yu?
Me: I'm Good, How about you?
Other Me: Good. Same same.
Me: Damn! Para akong tanga. (*Ngingiti na katulad ng mga takas galing mental*)

Ganito ako minsan, tamang trip na kausapin ang sarili sa tono ng mga "Pana"**.  Mga tono na hanggang sa ngayon ay hindi pa din gamay ng aking tenga.  Lagpas limang buwan na din ako sa bayan ng mga Arabo, at nakakatuwang isipin na kahit papano ay pamilyar na din ako sa kalakaran sa bayan ng mga arabo. Medyo pamilyar na pero nangangapa pa din...nakakatuwa, nakakabaliw, nakaka-aliw parang mental hospital.

Sabi nga ng karamihan, "pasasaan at masasanay ka din." Ok na sana ang lahat ngunit bakit? Bakit sa araw-araw na pagkakataon kahit mga kapwa Pinoy laging ganun? Lagi na lang akong napagkakamalan na nagmula sa bayan ng mga "Pana"...Kung hindi naman mapagkakamalan akong Arabo, Nepali o di kaya'y nilalang mula sa Sudan.

Isang customer na "pana"...
"Have we seen each other in Bombay?" tapos nakipag-shake hands pa.

Patay tayo dyan, feeling ko "panang-pana" talaga ang dating ko, kulang na lang siguro ay konting iling ng ulo.  Pero para malinaw wala naman akong galit sa kahit anong lahi o hinanakit sa kultura at ugali nila. Ang hindi ko lang mapagtanto ay kung bakit ang lahat ay madalas na mapagkamalan na hindi ako Pinoy? Pinoy po ako and proud to be. Wag nyo po sana akong i-discriminate kasi po, mabango po ako 99.9%.

Sa ngayon, ang dami ko ng bagong natutunan, mga bagong karanasan at sigurado akong marami pang matutunan at mararanasan. Hinay-hinay lang...:)

**Ang salitang "Pana" ay isang Filipino slang sa UAE na tumutukoy sa mga Indian upang hindi nila matukoy o malaman na sila ang tema ng pinag-uusapan. Pero sa ngayon mukhang alam na din nila ito kaya oibang termino na naman ang nalikha..."anaps"
Buksan!

Iba pang Kwento!

....langit.lupa.impyerno.... ...Wanted Real Pinoy... #itsmorefuninthephilippines #NBAFinals2014 20 Reasons why I like Philippines over UAE 2010 Philippine Election Inital Results 2010 Philippine Election Initial Results [Latest] 2016 3:06pm A Kish to Remember A Message from Mark Zuckerberg to Philippine users of Facebook Absolute Value Abu dhabi adik [dahil] sa'yo after 15 years after 45 days after 7 years...0307 becomes 0614 agosto para sa pilipino aheks akalain mo yun ako ako ito ako ito 1 ako ito 2 ako ito 3 alaala ng nakalipas albularyo alibata All Saint's Day All Soul's Day alyssa bernal Alyssa Bernal (part 2) an act of love Andrea Corr's State of Independence Anime ano daw? ano na ano sa palagay mo? ang pagbabalik ang panyo ang tunay na siga apila para sa masa aswan (bilang isa) Aurora Avoid Negativity Award babae babae ka lalaki ako babae sa jeep babalik ka din BabyG back to work Bago ito Bagong Bayani BagongBayani balanse baliktad ba? baliw batas ng tao bidaman Big Job Billy Crawford bilog o tatsulok blogging tips 101 (for pinoy bloggers) bored brick buhay buhay mo buhay ko buhay nating lahat Buhay OFW: Pangarap sa mga Sulok ng Kahon; OFW Buhay sa Dubai (From Writer-Researcher to Toshiba Promoter) Bukang-Liwayway bungo at buto Change is Coming chess Chip Tsao Coleen Garcia college contest Cory Aquino dies couple Crucifixion dalaw dalawang daan siyamnapu't apat na araw day-off Department of Tourism desisyon destinasyon Digong dos Duality Dubai Dupe Tara Lakad Tayo Duterte EASY $5 GIVEAWAY Endorsers??? etiquette etong sa'yo...raygun exam day Exit Eye Test? Malabo na ba ang iyong mata? facebook Facebook (Pesbuk) facebook user FAQ's first time mo? firsttime flesh-eating disease Fliptop Friendship from facebook fun Funny Exam Answers game Game 1 Game 3 Gatorade Gelika Bless get real gintuang sundang global warming a warning? google payout guro gusto mong mamatay? halimaw hanggang Happy Father's Day happy hatchday Heat vs. Spurs hiatus higante Hikab muli ako. Tunganga History of Super Gulaman Hoi Hoi HyperPanda Babies and others i love this day i love you ibigay ang hilig ikalawang ginto imahinasyon immigration Inang OFW Indian Init Introducing: Ang Anak ni SuperGulaman Iran Irrationalget isang madugong labanan isang malaking pagbabago isang pagbabalik tanaw isang pasasalamat isang sulyap sa kahapon kasalukuyan at hinaharap It's more fun in the Philippines ITCHY jeepney Job Hunting tips juan kalaro kaliwa kanan kalma lang boss kalsadang mabato Kapalaran Ayon sa Galaw ng Kalawakan (Ophiuchus) kape sa tanghali Kapitan Sino? kasinungalingang mapanlinlang katapatan katinuan katinuan...gustong magpakilala katotohanan Kawhi Leonard kisame Kish kulay kuro-kuro sa bayan ni juan laro laro tayo Learning Japanese (for pinoy) lebron james life Life is a Piece of Cake Ligo na U Lapit na Me lilok (complete) lilok 1 lilok 2 lilok: ang pagpapatuloy [1] lilok: ang pagpapatuloy [2] lilok: ang pagpapatuloy [3] lilok: ang pagwawakas limang minuto...3 miskols...ang umaga ni supergulaman Link Exchange and Other Concerns love lunes mag-enjoy kay enjoy magdasal daw twing umaga sabi ng grasya mahika ng mga kulay Makulay na Paglalaro ng mga Salita malungkot masaya mataba payat Manny "Pacman" Pacquiao Vs Antonio Margarito mapalad ka.. ikaw mapalad silang wala sa katinuan math Math is Life mcarthur mensahe mga hindi dapat gawin sa facebook minsan lang mismo Mmm Sarap modelo musika at ganda naaalala mo pa ba? NAIA NAIA' firsttime NBA All Stars VS Smart Gilas (Philippines) NBA Finals NBA Finals 2014 new design Nonito Donaire Knocks Out Fernando Montiel numero OFW ouch our life Pa-digits Digits Pa Kasi pag-uuri Panahon na Naman [ng Pag-ibig?] Pananabik sa Tag-init Pangasinan pangpasaya Para patay na nabuhay peace be w/ you pelikula Philippine Grand Lotto 6/55 Pi Pilipinas Pilipinas: Sa Pagkakakilanlan Pinoy Version of some Hollywood Movies please help praning Prayer in Mathematics Propesiya at Pilipinas Prophecy Proud to be Pinoy punto ko punto mo Puso ng mga Halimaw Puting Damit Rapido Vs Smugglaz real name regalo Reproductive Health Bill REULEAUX TRIANGLE: ROLLING TRIANGLES Rubber Sadhu Sundar Selvaraj salamat salamat kaibigan sampung taon sayang school Selda Uno Dise Otso seryosong usapan showtime Si Mara at Pamela siga o adik silbi simbulo sino ang tamad? Sino si Santa Claus? sintang paaralan Sistema ng Numero Sistema ng Tao skin makati SONA 2011 TRAFFIC RE-ROUTING SCHEME and MORE sorpresa streetfight Stretch Marks subic sulat kamay Sumusungaw na Chatbox Super Super G sa PBB? super G turning super busy Super Gulaman sa Bayan ng mga Arabo (Part 1) Super Gulaman sa Bayan ng mga Arabo (Part 2) supernatural ta tagapagpalaganap ng pag-ibig tamang trip tamang trip (ikalawang pasabog) Tanong Ko Sagot Mo tanong lang Tangent Line tao tao tao saan ka gawa? tatsulok tayo... The 2010 Oscar Winners The BENEFITS of SEX The Five Love Languages the golden rule the reunion The True Story of Manny "Pacman" Pacquiao thursday time for sale Time Travel Times of Your Life Tingi Culture Toshiba Toshiba Champs Toshiba’s Wet and Wild Adventure in Atlantis Trabaho ba ang hanap mo? Twitter UAE UFC Ulam at Kanin uri ng mundo usapang buhay Usapang ChikenJoy usapang itlog at manok usapang kadiri usapang kadiri (Part 2) wala wala akong medyas wala lang wala naman kaming napala walong palakaibigang adik warm-up when SuperG meets BabyG who are your customers? WiFi Won over Antonio Margarito world peace Zamboanga del Sur
Related Posts Plugin for WordPress, Blogger...