Lumaktaw sa pangunahing content

Pilipinas: Sa Pagkakakilanlan

Pilipinas.  Ah, dyan ako nakatira.  Dyan din ako pinanganak.  Dyan din hinulma ang minsang magulo, makulit, at makulay kong pagkatao. Pero alam mo ba na ang opisyal na pangalan ng Pilipinas ay "The Republic of the Philippines" ? Oo? Ako din, yan din ang sa pagkakaalam ko. Base sa pakakakaalam ko, ang Pilipinas ay binubuo ng mahigit sa pitong libong mga isla. Ang sabi sa tsismis 7,107 daw yun.  Pero kung si Ms. Charlene Gonzales ang tatanungin mo, nakadepende daw yung yun kung high tide o low tide.

Noong nasa bansa ako ng mga Arabo, maraming nagtatanong sa akin kung taga-saan daw ako.   Madalas kasi napagkakamalan nila akong taga-Nepal, taga-India, at kung mamalasin naman taga-Sudan daw ako. WTF!  Pero tumutugon lang ako ng "I'm from the Philippines". Tapos nakangiti silang nagre-react na parang nakakaloko. "Ah, Philipini, from Philippine". Langyang buhay 'to, sinabi ko na ngang "The Philippines" eh. Philippine. Philippine pa din ang banat. Hindi ito singular, plural po. The Philippines with an "s". Hindi kami mula sa isang isla lang para gawing Philippine ang bansa namin.  The Philippines ang tawag sa bansa namin na may 7,107 islands. Ang sensitive ko naman ba? Ganyan naman tayong mga Pinoy, konting mga pangbubuska lang mula sa mga dayuhan, balat-sibuyas tayo masyado. Na minsan naman pala eh hindi nila sinasadya. Pero parang ok na din siguro yun kumpara sa mga itinuturo sa ilang paaralan sa America na ang Pilipinas daw ay hindi isang bansa, kundi grupo lamang daw ito ng mga isla. Philippine Islands o Islands in the Pacific. Tapos tayong mga Pinoy, ang tawag daw sa atin ay Pacific Islanders. Isang kaalamang tila nagsasabing wala pa din tayong sariling pagkakakilanlan.

Teka, kung pagkakakilanlan lang din ang usapan, ano nga ba ang mga bagay-bagay na masasabi nating sariling atin? Pangalan ng bansa? Salitang Tagalog? Paraan ng pagsulat? Ummm, sa pangalan ng bansa, alam naman natin na ito ay mula sa pangalan ng hari ng Espanya noon na si King Philip II bilang pagpupugay ni Ferdinand Magellan. Sa katunayan, Las Islas Filipinas ang taguri sa ating bansa noon. Pero teka panahon na yan ng pagdaong ng mga Kastila sa bansa. Alam nyo ba na bago pa man sila dumating ang mga Kastila ay may mga tao na talaga sa Pilipinas.  Ok balik tayo sa history, alam mo ba yung mga Aeta, Indones at Malay.  Yan daw yung mga unang tao sa Pilipinas. Tama hindi ba? Pero alam mo din ba na alam na din ito ng Tsina.  Hindi ko nga talaga alam kung si Magellan noong 1521  ang nakadiskubre ng Pilipinas o ang mga Intsik dahil noon pa man tinatawag ng mg Intsik ang Pilipinas bilang Ma-i o country of the blacks.  Kaya huwag na din kayong magtaka kung bakit pasaway ang Tsina sa usaping Spratlys dahil kanila din daw yun at pwede ding kasama ang Pinas. Yung nga lang hindi na sila nakaporma sa pananakop ng mga Kastila noon. Opsss, lumalayo na tayo sa usapang  ukol as pangalan ng Pilipinas. Sa ganang akin, bakit hindi na lang gawing Republika ng Pilipinas o Pilipinas ang gawing pangalan sa international arena sa halip na The Republic of the Philippines. Bakit kailang sundan lagi ang America pati sa pagpapangalan ng mga bagay-bagay sa Pinas?

Sa salita o wika naman. Maraming wika ang umiikot sa arkipelago ng Pinas.  Name it. English, Tagalog, Visaya, Ilocano, Kapampangan, Hiligaynon, Itawis, at marami pang iba. At nitong huli nga, itinuring na gawing Tagalog ang opisyal na salita sa bansa pero upang maging balanse ang pagpupugay sa mga wikang ginagamit, pinili at hinirang na maging Filipino ang opisyal ng wika ng Pilipinas na kung tutuusin ay Tagalog din naman.  At dahil Filipino na nga ang opisal na wika natin, hindi naman ito orihinal na mula sa atin dahil maging ang mga titik na ating sinusulat ay base pa din sa alpabetong mula sa kanlurang bansa.  Tignan mo ang Tsina, meron silang Chinese Characters, ganun din ang Japan, Vietnam, Taiwan, India, Korea, Thailand, Germany, Turkey, Saudi Arabia at halos lahat ng bansa maliban sa Pilipinas.  Meron silang sariling paraan ng pagsusulat at pagbasa.  Pero tayo, nakabase pa din tayo sa alpabetong tinuro ng Amerika na may konting modifications (*pati modifications hindi ko alam ang Tagalog nito).  Oo nga pala meron tayong alibata o baybayin. Ang tanong nga lang dyan, ginagamit pa ba natin yan o ginamit ba talaga natin yan sa pakikipagtalastasan o pakikipag-usap?   

Ano nga ba talaga ang pagkakakilanlan natin mga Pilipino? Ummmm, baka sa agimat.  May agimat ang dugo ko (credit:
Bamboo).

Ano sa palagay mo?

#Pilipinas
#pagkakakilanlan

Mga Komento

Mga sikat na post sa blog na ito

...ibigay ang hilig...

isang mapagpalayang araw sa inyong lahat...nandito na naman po ang inyong superhero na si SuperGulaman na walang inatupag kundi mambulabog sa inyong natutulog na mundo... bulaga! nitong mga nakalipas na araw, medyo naging isnabero ako sa mga tags at awards na pinukol sa akin...pasensya na po medyo naging busy kasi ang inyong poging Superhero (ahem!) at nagkakaroon din kasi ako ng maliliit na problema kaya medyo na de-depress din ako, lalo na sa pagkawala ng aking medyas at tsinelas (hindi ako maka-move on... ahahaha!...)... pero syempre kunyari lang na nadedepress ako o bisi-bisihan dahil alam nyo naman gusto ko lang bigyan ng dahilan ang aking katamaran... ahahaha... at para hindi na magtampo ang aking magaganda at poging katropa...ito na po at ginawa ko na... ibigay ang hilig... bilang panimula, pasasalamatan ko na si Stacey ng Stacey Avenue para sa "The Perpetual Smiling Blogger Award" na ito...hindi ko lang din alam kung magkakapatid sila ni Mike at Mon, mga Avenue kasi...

...babae...

....ang sulating ito ay hinahandog sa lahat ng kababaihan.... (boys behave muna, sila ang bida ngayon...aheks!) Babae, babae kamusta ka na? kamusta na ang buhay mo sa mundo?... kamusta na ang kalagayan mo?... alam mo sobrang hinangaan kita sa lahat ng pagkakataon... ang dami mo ng ginawa para sa sangkatauhan sa kabila ng iyong mga kahinaang taglay... bagkus na sumuko, ito ka at pinagpapatuloy ang laban... kamusta na nga pala ang iyong pinakamamahal na si lalaki? alam kong sobrang saya mo noon ng makilala mo sya... halos sya na nga ang naging mundo... ibinigay mo ang lahat ng naisin nya pati nga kaluluwa mo halos pag-aari na nya... kung sabagay umiibig ka kaya lahat ng sa iyo ay ibinahagi mo sa kanya at halos wala na ngang matira eh...hindi naman kita pwedeng sisihin dahil kitang-kita ko sa iyong mata ang lubusang kasiyahan at masaya akong nakikita ka din na masaya...pero ano na nga ba ang nangyari?...matapos ang ilang taon ng pagsasama, ito ka kapiling na lamang ang iyong anak at iniwa...

..numero...

[oooopppsss...wag mo po munang pindutin ang back button o ang eks button...basa po muna tayo...wag pong mag-alala ang susunod na aking ibabahagi ay hindi nakakapagpadugo ng ilong...enjoy.. ^_^] ....sa basketball court.... [ Xiantao: yet,di ba may alam ka sa thesis?.. tulungan mo naman ako.... Ako: Oo ba...walang problema...anu ba title ng thesis mo? Xiantao: Wala pa nga eh, ei yung sa iyo ano ba ang title ng thesis mo? Ako: ei hindi yun makakatulong sa pag-iisip ng title mo kung sasabihin ko man yung title ng thesis ko... Xiantao: ano ba kasi yun ? Ako: (*peste ito at talagang pinilit ako*) ang kulit... "Characterization of Non-associative Finite Invertible Loops of Order 7 with 5 and 7 Self-inverse Elements" Xiantao: ha? (*tulala na parang nabigla*)... ano ba ang course mo? Ako: BS Mathematics... Xiantao: Wow! kaya naman pala eh... eh di ang galing mo pala sa numbers? Ako: bobo ako sa numbers, mahina ako sa arithmetic... Xiantao:????? (*napakunot noo na lang sya at napakamo...