...babae ka, lalaki ako!....

"hindi mo ako maiintindihan, lalaki ako...babae ka!"

...bukod sa panlabas na kaanyuan, ano pa nga ba ang pagkakaiba ng babae sa lalaki? bukod sa magkaibang drawing ng logo sa cr ng mga babae at sa lalaki? at kung bakit ginawang magkatabi ang mga CR ng lalaki at ng babae? bukod din pla sa mga babaeng nagtatago sa katawan ng isang lalaki o sa mga lalaking nasa katawan ng babae, may mga pagkakaiba pa ba sila? sa mga gawi, pustura at takbo ng pag-iisip, magkaibang-magkaiba talaga sila sa bawat isa...narito ang ilang opinyon at aking personal na obserbasyon ukol sa pagkakaibang ito:

Mas matalino ang mga lalaki kaysa sa mga babae- posibleng totoo ito pero posible din na hindi. Kung ating pagbabasehan ang history ng tao, ating mapapansin na pawang kalalakihan ang mga kilalang philosopher, mathematician, hari, scientist at iba pang uri na may kinalaman sa talino. Manaka-naka na lamang ang mga babaeng napapabilang sa kanila. Pero posible din na dahil ito sa pagtingin o recognition ng tao ukol dito. Noong unang panahon hanggang sa ngayon mas dominante pa din ang tingin ng tao sa mga lalaki kumpara sa mga babae. Sa katunayan ang mga babae ay kadalasang ina-underestimate nila ang kanilang sariling talino kumpara sa mga kalalakihan na ino-overestimate ang laman ng kanilang utak. Isa itong patunay na ang mga lalaki ay may mataas na pagpapahalaga ukol sa pride at ego. Magkagayunman, naniniwala pa din ako na hindi basehan ang kasarian ng laman ng iyong utak. Sa katunayan, ang mga babae ay may kakayahan na pagsabay-sabayin at iproseso sa utak ang mga bagay-bagay. Yung tipong kaya nilang sumabay ng kanta sa radyo habang nagbabasa ng libro. Multi-tasking ika nga nila. Sa kabilang banda, hindi ito kaya ng mga kalalakihan. Ngunit kaya nilang gawin ang mga bagay-bagay na may focus. Isa-isa lang ngunit maingat na sinusuri ang bawat detalye.

Mas sinungaling ang mga babae kumpara sa mga lalaki - at dahil sa kakayahan ng mga kababaihan ng iproseso ng sabay-sabay ang mga bagay-bagay sa kanilang utak, kilala sila na madaling magbago ng iniisip. At dahil dun gumagawa sila ng mga remedial excuses na nahahantong sa pagsisinungaling. Ang mga kalalakihan sa kabilang banda, ang mga maling bagay na nagawa ay mas madalas pinaninindigan na lamang kasya pasinungalingan pa. Katulad ng sinabi ko mahalaga sa mga lalaki ang pride at ego. Kung lalaki ka at madalas magsinungaling, lalaki ka nga ba?

Mas madaling makuntento ang mga lalaki kumpara sa mga babae- kung ating pagbabasehan ang konsepto ng katamaran, ating mapupuna na mas madalas na sinasabi na ang mga lalaki ay tamad lalo na kung pag-aaral ang pag-uusapan. Pero hindi, mas madali lamang kasi kaming makuntento sa mga bagay-bagay. Ayos na sa amin yung tipong pumapasa lang. Ayos na sa amin yung nabubuhay lang. Ayos na sa amin yung simpleng ligaya lang. Ang mga kababaihan sa kabilang banda ay laging naghahangad ng "best"... hindi sila madaling makuntento sa simple, hanggang oportunidad hindi sila hihinto... ito din siguro ang patunay ng kasabihang "Mother knows best" ... ang mom ay babae, kung lalaki ang mom mo kabahan ka na ampon ka lang...ahehehe...

On sex or money- Kung papipiliin mo ang mga lalaki between sex or money....mas madami ang pipili ng sex...ang iba pa nga'y handang magbayad na malaking halaga kapalit nito. Ngunit iba ang pananaw ng mga kababaihan ukol dito, mas pinipili nila ang pera. Ito din ang katotohanan na mas madaming babae ang mukhang pera at mas madaming lalaki ang manyakis. Kung gusto mo nyan pareho, aba swapang...mamahagi ka naman...ahahaha

Women are sexually aggressive than men - posibleng dahil ito sa kapangyarihan ng mga babae over men. In terms of brute strength, mas lamang nga ang lalaki ngunit hindi natin maikakaila na dahil sa aspetong ito... women are considered as the most manipulative, cunning, deceptive creatures on the face of this earth. Ginagamit ang kanilang alindog upang hawakan sa leeg ang mga kalalakihan pero hindi naman lahat... ahehehe...baka magalit ang mga girls... pero syempre aminin man natin o hindi, ang mga babae ay nagpapaganda, nagpapaseksi para sa mga kalalakihan at dahilan iyon upang bigyan sila ng pagpapahalaga...ang mga kalalakihan naman bilang uto-uto ay ibinibigay ang lahat para sa kanilang kaligayahan--ang mga kababaihan mismo... pagdating naman sa sekswal na relasyon hindi maikakaila mas mataas ang libido ng mga kababaihan kumpara sa mga kalalakihan. Ang libido ang syang tumutukoy sa sexual desire ng isang tao. Sa kabila na mas madalas ang sexual fantasies ng mga kalalakihan, mas matindi naman ang level ng sexual desires ng mga kababaihan lalo na panahon ng kanilang menstruation period... ang sabi nga sa isang pag-aaral, mas mataas ang sexual desire ng mga kababaihan bago ang kanilang ovulation. Isa itong patunay na ang sexual desires ay may kinalaman sa menstrual cycle na wala sa kalalakihan. Maaari din na may kinalaman ang pagiging agresibo ng mammary gland ng mga babae...sa mga pag-aaral, mas sensitibo ang dibdib ng mga kababaihan kumpara sa mga kalalakihan...posible na ito ay dumadagdag sa sensasyon at libido ng mga kababaihan...

On marriage - bakit nga ba pinapakasalan ni babae si lalaki, o bakit pinapakasalan ni lalaki si babae? sabihin natin na may role talaga na ginagampanan ang pagmamahal, pero hindi pa din maiiwasan na umasa sila sa mga kakulangan ng bawat isa... ang babae, ay nagpapakasal dahil umaasa sya na magbabago si lalaki...pero hindi naman iyon nangyayari...sa kabilang banda, si lalaki naman ay umaaasa na hindi magbabago si babae pero ang ending, nagbabago ito sa paglipas ng panahon... magkagayunman, sa paglipas ng panahon...matutunan nilang tanggapin ang isa't isa o kung hindi man ay magkakahiwalay sila para hanapin ang mga kakulangan nila...

ang aking nabanggit ay base lamang po sa aking personal na opinyon, alam ko din na marami pa din tayong pagkakaiba o pagkakatulad din...malaya po tayo na ipagtanggol ang ating mga panig.... at the end of the day...men simply love women... Oo tama! kayong mga babae, mahal lang namin talaga kayo bilang mga lalaki...