Sino si Santa Claus?

bilang panimula..hayaan ninyo muna na batiin ko kayo ng... Maligayang Pasko! at bilang paghahanda sa kapaskuhang ito at epekto na din siguro ng aking medyo mahaba-habang bakasyon...pinagtripan ko ang mga kakulitan ng mga bata dito sa amin... pinilit kong pinaniniwala sila na hindi matutuloy ang Pasko...dahil may ubo't sipon si Santa Claus...nilamig kasi sya sa north pole... ooooppsss...oo nga pala kilala mo ba si Santa Claus? 99.9% na sure ako na kilala mo nga siya...ei si John the Baptist kilala mo? siguro medyo medyo lang ang sagot mo ano?...sino ang mas kilala mo si Santa Claus o si John the Baptist? Naniniwala ka ba na totoo si Santa Claus? Kung kilala mo si John the Baptist, naniniwala ka ba na totoo siya?

noong bata pa ako, nagsasabit tlaga ako ng pulang medyas sa may Christmas tree, bintana o kaya'y sa may pintuan namin tuwing araw ng pasko, naniniwala na lalagyan iyon ng mga kendi at laruan ni Santa Claus..pero nawala ang paniniwalang iyon ng mahuli ko ang salarin, ang tatay ko...huli ka!...ang totoo nyan halos 90% ng mga batang pilipino na may edad 6 pababa ay naniniwala kay Santa Claus...anak ng tokwa nasama pa ako doon dati...

pero sino nga ba si Santa Claus? anu nga ba siya...babae o lalaki? kung lalaki bakit santa?..yan ang mga kabalbalang tanong ko noon..obyus naman na lalaki si Santa, may balbas kaya sya...malaki lng yung tiyan pero hindi yun buntis...kinain nya yung mga batang hindi naniniwala sa pasko..awoooooo....ahehehe...isa yan sa mga script ko sa panloloko sa mga bata dito sa amin...

ok seryoso na tayo..si Santa Claus daw ay kilala din bilang si St. Nicolas...so kung sya si St. Nicolas...ibig sabihin hindi sya taga-north pole...taga-Turkey sya...ang sabi sa chismis si St. Nicolas daw masyadong maawain sa mahihirap lalo na sa mga bata..sa katunayan bumili sya tatlong batang babae noon...sabihin na nating nagbigay ng kapalit na pera sa mga magulang ng tatlong babae upang hindi ito masadlak sa prostitusyon...di ba ang bait nga nya... ganyan lang talaga ang totoong Santa Claus sa paniniwala ng isang Katoliko noon...pero ayun na nga ang daming mga nabago at iyon ay dahil sa impluwensya ng iba't ibang relihiyon at sektor... ang isa sa pinakamalaking nakaimpluwensya ay ang America...dahil sa Americanization, halos sa buong dako ng mundo ay naniwala na si Santa ay may malaking tyan, may balabas, kulay pula ang costume, nakatira sa north pole at simbulo ng Coca-Cola...kaya mga tsong wag kayong magtaka kung bakit walang altar si Santa Claus sa simbahan nyo khit ngayon ay pasko...Sabi nga ni Father last week, "hindi simbulo ng Pasko si Santa Claus"... para sa akin tama siya doon... pero para maliwanag, wala akong galit kay Santa Claus, sa Coca-Cola o sa America... ngunit gusto ko lng ipakita sa mga batang ito at sa buong madla na dapat mas kilala natin ang tunay na may selebrasyon sa araw na iyon...Christmas is not only about gift giving, it is about the birth of Jesus Christ...it is about the love of God....kung si Santa Claus ang naging instrumento na pasko bakit hindi na lang si John the Baptist ang pinasikat...siya naman talaga ang unang nagpayag ng pagdating ni Jesus sa mundo...alam natin na mapagbigay si Santa Claus, pero bakit hindi na lng ang "tatlong haring mago" ang pumalit sa kanya...

ang bawat bagay na ating makikita sa araw ng Pasko ay may kalakip na kahulugan... ngunit inalis na natin ang mahahalagang simbulo ng yumakap na tayo sa kultura ng Amerika...ang pagpapayag ng pagdating ni Jesus ay kinuha na ni Santa Claus na dapat sana ay kay John the Baptist...ang pagbibigayan na dapat ay sinisimbulo ng tatlong haring mago ay kinuha na din ni Santa...ang aking punto, mag-isip ng mabuti bago sundan ang nakararami...madalas mahilig tayong sumunod sa uso..nawawala na ang mga bagay na totoo...lagi na lang tayong tumitingin sa mga alternatibo..hindi natin namamalayan na iyon ay bahagi ng isang negosyo....

Kunsabagay ang Pasko ay hindi tungkol sa mga simbulo.... nasa pag-alaala ito sa pagdating ni Kristo at mabuting puso na ibinabahagi sa kapwa tao...Maligayang Pasko!

note: ito ay opinyon ko lamang...kung gusto mong kumontra... sige lang... :)