Sabado, Disyembre 11, 2010

Wanted Real Pinoy!

Wanted Real Pinoy!

^_^: Pinoy ka nga ba?
0_0: Oo naman, sa isip, sa salita, at sa gawa.
^_^: Eh paano naman sa kultura, Pilipino ka nga ba?
0_0: Oo naman, ang kulit mo.
^_^: Anong alam mo sa kultura ng Pinoy?
0_0: Madami, tulad ng paggamit ng po at opo, pagsasalita ng Tagalog.... ummmmm, ano pa nga ba?...ummmm wala na akong maisip pero madami pa.
^_^: Ganyan pala ang madami, po at opo at Tagalog lang ang alam.

Ikaw? Ano pa nga ba ang alam mo sa kulturang Pinoy o Pilipino? Ang tunay na tatak Pilipino?

Matagal na din ang panahong lumilipas mula ng sakupin ang Pilipinas ng iba't ibang dayuhan... at kasabay ng mga pananakop na iyon, patuloy na nagbabago ang kulturang Pilipino ayon na din sa mga impluwensyang ito.... Kung mawawala ang mga impluwensyang iyon...may pagbangon at pagbabago pa ba sa Pilipinas?

Simulan natin ang kultura ng bansang Hapon. Kung mawawala ang kulturang Hapon sa bansa, paano na ang mga kabataang adik kay Voltes V, Naruto, Ichigo, Luffy, at iba pang-anime? Malulungkot na din ang mga parokyano ng Japanese Restaurant na mahilig sa Sushi, Sashimi, Teriyaki, Tempura. Ipagbabawal na din ang mga Japayuki kasabay ng pagkawala ng mga makabagong teknolohiya mula sa Japan. Buburahin na din sa ala-ala ng mga 80s at 90s babies ang mga paborito nilang Super Sentai tulad ng Shaider, Maskman, Bioman, at marami pang iba...

Kung mawawala naman ang kultura ng Espanya sa bansa, tuluyan ng mawawala ang simbahan, wala ng simbang gabi, wala ng tong-its, wala ng sabong... kasabay din nito ang pagkawala ng mga deboto ng mga santo... hindi na din mauuso ang fiesta na kadalasang nakaayon sa patron ng bayan...wala na...wala na... bukod dito marami na din na salita sa Wikang Filipino ang mawawala tulad ng papel, mundo, Enero, Pebrero, Marso at hanggang Disyembre yan... mawawala na din ang siesta hour... hindi na din mauuso ang Mañana Habit....wala ng mag-kakatulong na dati rating nagmula sa kultura ng pang-aalipin... wala na din ang mangungumpisal na dating ginagawa upang malaman ang galaw at uri ng pamumuhay ng Pinoy noon... hindi na din mauuso ang kasal pati ang pagbibinyag sa simbahan...mawawala na din ang mga Padre Damaso ng Pilipinas, mga Paring nakikialam sa pamamalakad ng bansa... Mag-iiba na din ang pangalan ng Pilipinas na orihinal na nagmula sa pangalan ng hari ng Espanya...

Kung ang kultura naman ng bansang Amerika ang mawawala...may epekto kaya ito sa bansa?...Una, magsasara na ang mga callcenter na ang pangunahing lengguwahe ay Ingles... wala na din Fil-Am Friendship Day... hindi mo na makikilala sina Lady Gaga, Beyonce, Jay-Z...malulungkot na din ang mga kabataang nahuhumaling kina Spiderman, Batman at ang buong Marvel..isama na din natin ang Glee...isama na din natin sina Bella at Edward ng Twilight... hindi na natin malalaman ang lasa ng chocolote...hindi mo na pwedeng gamitin ang salitang "imported"...mawawala na din ang parokyano ng mga kapihang animo'y lasang kendi ang mga tinitindang kape...mababawasan na din ang obese ng bansa na nahumaling burger at pizza.. Hindi na tayo maapektuhan ng pag-bagsak o pag-angat ng piso kontra dolyar... hindi na din ako siguro magtatanong kung bakit panay Ingles ang mga aklat na nakalagay sa Filipiñana Section ng mga library at maging sa Philippine Publications na nakalagay sa bilihan ng mga aklat...kung sabagay ang titulong "Philippine Publications" ay nasa wikang Ingles din... at hindi na din makikila si Uncle Sam na bata pa lang ako ay ninais ko ng makilala...

Kung ang kultura naman bansang Tsina ang mawawala sa Pilipinas, pihadong malulungkot ang mga mamimili at negosyante sa divisoria... malulungkot na din ang mga tumatangkilik sa mga piniratang DVDs at VCDs... magiging matamlay na din transakyon ng mga sindikato ng Chinese at Hong Kong Triad... pero matutuwa naman ang mga pusa dahil hindi na sila maipapalaman sa mga Siopao... babagsak na din ang negosyo ng Ma Mon Luk at Chowking... hindi na din natin mapapanood sina Jet Li, Bruce Lee at Jacky Chan...malulungkot na tayo dahil hindi na din natin masisilayan ang alindog nina Zhang Ziyi at Shu Qi... mababawasan na din ang mga produkto ng pampayat at iba't ibang food supplement... at sa panahon ng delubyo tulad ng nakalipas na Ondoy, hindi na din tayo makakakita ng mga noodles sa donation box...maraming Pilipinong mahihirap na din ang mamamatay dahil aalisin na sa kanila ang pambansang pagkain-- ang noodles...

Nakakalungkot isipin na halos lahat ng kulturang meron mga Pilipino ay kinain na ng kulturang dayuhan.... Hindi man natin aminin lugmok na tayo sa kanilang impluwensya.... Pero may magagawa ka pa ba? Hindi ko sinasabing bumalik ka sa panahon ng lumang bato, gumamit ng bato sa pagpapaningas ng apoy...magsulat gamit ang alibata... mag-araro kasama si Kalakian... o alisin ang mga computer at bagkus magsulat sa dahon at bato...

ngunit sana nga lang hindi mawaglit sa ating isipan at puso ang ating pinagmulan.. Pilipino tayo, ikaw at ako... sa dami ng kaalaman nakuha natin sa iba't ibang dayuhan... ikaw na "Pinili" at "Pinino".. Oo, ikaw Pilipino...tangan mo na ang galing ng mundo... alisin na ang pagiging makasarili at ihandog sa bayan mo ang buo mong talento...

bakit nga ba hindi umuunlad ang Pilipinas? hindi naman kulang ang Pilipinas sa talento at galing...maging sa yaman ng kalikasan ay sagana din... hindi din siguro ito dahil sa Pulitika ng bansa, hindi din sa kultura na namana sa mga banyaga... alam mo kung ano ang kulang?... Ang "pagmamahal" sa bansang kung saan ka nagmula...ang bansang "Pinili" at "Pinitas"...---ang Pilipinas.

8 komento:

  1. natutuwa ako sa post na to, tamang tama ang pagkakapost parekoy. ang galing! proud to be pinoy. :)

    http://www.damuhan.com/2010/12/si-tope-ikatlong-yugto.html

    TumugonBurahin
  2. tamang tama! haha.. naging hulmahan lang naman kasi tayo ng ibang lahi. haha ung sagot ko sa tanong mo?


    Filipino Time.
    Hospitality kuno(pagiging tsismosa ng kapitbahay sa dayuhang asawa ng kapitbahay).
    Ibat-ibang pamamaraan ng pagnanakaw.(budul-budul, laslasbag, gupit panty at kung anu2x)
    Lantarang korupsyon.
    marami pa.


    mga negatibo nga lang.

    TumugonBurahin
  3. Sa tingin ko, ang kultura natin ay similar na sa ibang asian country like singapore. Melting pot. Mixed culture na tayo dahil sa mga sumakop sa atin.

    Natawa ako sa sagot ng nasa itaas (keko)

    TumugonBurahin
  4. siopao na ang palaman ay pusa? totoo?


    tama! pagmamahal ang kulang. :)

    TumugonBurahin
  5. haha! tinamaan ako sa tanong: ano pa? wala narin ako masabi after ng po at opo. ahay :(

    pabisita kuyakoy!
    mwaaaa :*

    marynarvasa
    http://narvasamarga.blogspot.com/

    TumugonBurahin
  6. @Bino
    yeah parekoy..kahit naman papano pd pa din tayong maging proud.... :)

    @keko
    yun ang nakakatakot dyan...nakikita nga natin ang pagkakaiba natin sa ibang lahi kaso ayun negatibo pa... pero sa isang banda yung mga ugaling tunay na tatak pilipino ay kadalasan makikita na lng natin sa mga ilang muslim at iba pang pangkat etniko sa bansa... :)

    @khantotantra
    ako din gusto kong matawa pero sa isang banda nalungkot din...

    @empi
    oo bakit? favorite mo ba yun?... ahahaha.. syempre hindi na ngayon kasi panay botchang baboy na ang ipinapalaman na nila sa siopao... ahahaha

    @ptrck2010
    woooaahhh... promotion ba ito o spamming?... aahahaha...pareho lang ata yun

    @mary
    salamat mary sa pagdaan... i lily lily like ur name... ahehehe... namimis ko na ang maria ng buhay ko... ahahahay... ;)

    TumugonBurahin
  7. Parang trip kong magsulat sa dahon at bato. Joke!

    Oo nga, sa panahon ngayon, nakalimutan na ng halos karamihan sa atin kung saan nga ba tayo at anong kultura talaga tayo meron, maski ako aaminin ko.

    Marami sa atin lalo na tayong nasa ibang bansa, kapag tinanong "what country are you from?"
    Marami ang sumasagot ng "PHILIPPINES" subalit pabulong.

    TumugonBurahin

Buksan!

Iba pang Kwento!

....langit.lupa.impyerno.... ...Wanted Real Pinoy... #itsmorefuninthephilippines #NBAFinals2014 20 Reasons why I like Philippines over UAE 2010 Philippine Election Inital Results 2010 Philippine Election Initial Results [Latest] 2016 3:06pm A Kish to Remember A Message from Mark Zuckerberg to Philippine users of Facebook Abu dhabi adik [dahil] sa'yo after 15 years after 45 days after 7 years...0307 becomes 0614 agosto para sa pilipino aheks akalain mo yun ako ako ito ako ito 1 ako ito 2 ako ito 3 alaala ng nakalipas albularyo alibata All Saint's Day All Soul's Day alyssa bernal Alyssa Bernal (part 2) an act of love Andrea Corr's State of Independence Anime ano daw? ano na ano sa palagay mo? ang pagbabalik ang panyo ang tunay na siga apila para sa masa aswan (bilang isa) Aurora Award babae babae ka lalaki ako babae sa jeep babalik ka din BabyG back to work Bago ito Bagong Bayani BagongBayani balanse baliktad ba? baliw batas ng tao bidaman Big Job Billy Crawford bilog o tatsulok blogging tips 101 (for pinoy bloggers) bored brick buhay buhay mo buhay ko buhay nating lahat Buhay OFW: Pangarap sa mga Sulok ng Kahon; OFW Buhay sa Dubai (From Writer-Researcher to Toshiba Promoter) Bukang-Liwayway bungo at buto Change is Coming chess Chip Tsao Coleen Garcia college contest Cory Aquino dies couple Crucifixion dalaw dalawang daan siyamnapu't apat na araw day-off Department of Tourism desisyon destinasyon Digong dos Duality Dubai Dupe Tara Lakad Tayo Duterte EASY $5 GIVEAWAY Endorsers??? etiquette etong sa'yo...raygun exam day Exit Eye Test? Malabo na ba ang iyong mata? facebook Facebook (Pesbuk) facebook user FAQ's first time mo? firsttime flesh-eating disease Fliptop Friendship from facebook fun Funny Exam Answers game Game 1 Game 3 Gatorade Gelika Bless gintuang sundang global warming a warning? google payout guro gusto mong mamatay? halimaw hanggang Happy Father's Day happy hatchday Heat vs. Spurs hiatus higante Hikab muli ako. Tunganga History of Super Gulaman Hoi Hoi HyperPanda Babies and others i love this day i love you ibigay ang hilig ikalawang ginto imahinasyon immigration Inang OFW Indian Init Introducing: Ang Anak ni SuperGulaman Iran isang madugong labanan isang malaking pagbabago isang pagbabalik tanaw isang pasasalamat isang sulyap sa kahapon kasalukuyan at hinaharap It's more fun in the Philippines ITCHY jeepney Job Hunting tips juan kalaro kaliwa kanan kalma lang boss kalsadang mabato Kapalaran Ayon sa Galaw ng Kalawakan (Ophiuchus) kape sa tanghali Kapitan Sino? kasinungalingang mapanlinlang katapatan katinuan katinuan...gustong magpakilala katotohanan Kawhi Leonard kisame Kish kulay kuro-kuro sa bayan ni juan laro laro tayo Learning Japanese (for pinoy) lebron james life Life is a Piece of Cake Ligo na U Lapit na Me lilok (complete) lilok 1 lilok 2 lilok: ang pagpapatuloy [1] lilok: ang pagpapatuloy [2] lilok: ang pagpapatuloy [3] lilok: ang pagwawakas limang minuto...3 miskols...ang umaga ni supergulaman Link Exchange and Other Concerns love lunes mag-enjoy kay enjoy magdasal daw twing umaga sabi ng grasya mahika ng mga kulay Makulay na Paglalaro ng mga Salita malungkot masaya mataba payat Manny "Pacman" Pacquiao Vs Antonio Margarito mapalad ka.. ikaw mapalad silang wala sa katinuan mcarthur mensahe mga hindi dapat gawin sa facebook minsan lang mismo Mmm Sarap modelo musika at ganda naaalala mo pa ba? NAIA NAIA' firsttime NBA All Stars VS Smart Gilas (Philippines) NBA Finals NBA Finals 2014 new design Nonito Donaire Knocks Out Fernando Montiel numero OFW ouch our life Pa-digits Digits Pa Kasi pag-uuri Panahon na Naman [ng Pag-ibig?] Pananabik sa Tag-init Pangasinan pangpasaya Para patay na nabuhay peace be w/ you pelikula Philippine Grand Lotto 6/55 Pilipinas Pilipinas: Sa Pagkakakilanlan Pinoy Version of some Hollywood Movies please help praning Prayer in Mathematics Propesiya at Pilipinas Prophecy Proud to be Pinoy punto ko punto mo Puso ng mga Halimaw Puting Damit Rapido Vs Smugglaz real name regalo Reproductive Health Bill REULEAUX TRIANGLE: ROLLING TRIANGLES Rubber Sadhu Sundar Selvaraj salamat salamat kaibigan sampung taon sayang school Selda Uno Dise Otso seryosong usapan showtime Si Mara at Pamela siga o adik silbi simbulo sino ang tamad? Sino si Santa Claus? sintang paaralan Sistema ng Numero Sistema ng Tao skin makati SONA 2011 TRAFFIC RE-ROUTING SCHEME and MORE sorpresa streetfight Stretch Marks subic sulat kamay Sumusungaw na Chatbox Super Super G sa PBB? super G turning super busy Super Gulaman sa Bayan ng mga Arabo (Part 1) Super Gulaman sa Bayan ng mga Arabo (Part 2) supernatural tagapagpalaganap ng pag-ibig tamang trip tamang trip (ikalawang pasabog) Tanong Ko Sagot Mo tanong lang tao tao tao saan ka gawa? tatsulok tayo... The 2010 Oscar Winners The BENEFITS of SEX The Five Love Languages the golden rule the reunion The True Story of Manny "Pacman" Pacquiao thursday time for sale Time Travel Times of Your Life Tingi Culture Toshiba Toshiba Champs Toshiba’s Wet and Wild Adventure in Atlantis Trabaho ba ang hanap mo? Twitter UAE UFC Ulam at Kanin uri ng mundo usapang buhay Usapang ChikenJoy usapang itlog at manok usapang kadiri usapang kadiri (Part 2) wala wala akong medyas wala lang wala naman kaming napala walong palakaibigang adik warm-up when SuperG meets BabyG who are your customers? WiFi Won over Antonio Margarito world peace Zamboanga del Sur
Related Posts Plugin for WordPress, Blogger...