...All Saint's Day, All Soul's Day...

[repost]

...isa sa mga pinakamahalagang araw para sa mga katolikong Pilipino ang panahon ng Undas na kung saan ay muling ginugunita ang pagpanaw ng ating mga mga mahal sa buhay... paggunita na hindi nangangahulugan ng kalungkutan, paggunita na hindi din nangangahulugan ng kasiyahan..kundi isa itong paggunita ng ating pagmamahal sa mga yumao... likas sa mga Pilipino ang pagiging makapamilya at makapuso na kahit ilang taon, dekada o siglo man ang lumipas ay hindi pa rin nalilimutan ang pag-alaala at paggunita sa mga pumanaw na kamag-anak...

tuwing kailan nga ba ang tamang araw ng paggunita ng mga yumao? sa ika-uno ba ng Nobyembre? o dapat ba sa ikalawa ng Nobyembre? tayong mga Pinoy ay nakaugalian na ang pagdalaw sa puntod ng mga yumao sa unang araw ng Nobyembre...ang iba naman, ika-tatlumpu pa lang ng Oktubre ay nasa sementeryo na..ang iba naman dalawang araw pa lang bago pa man ang unang araw ng Nobyembre ay dumalaw na din...hindi naman ako salungat sa mga nakagawiang ito dahil naniniwala din ako na walang masama sa pagpapahalaga sa mga yumao...

All Saint's day...November 1...All Hallows...araw ng mga santo...araw ng patay? ... hindi ko alam pero sa aking opinyon wala yatang araw ng patay...oo! tama! may Undas tayong tinatawag pero ito ba ay araw ng patay?... ang sabi ng simbahan ang November 1 ay All Saint's Day...Araw ng mga Santo ika nga...ang araw na ito ay paggunita sa mga banal o Santo na nalululuklok sa templo ng ating Panginoon.... isa itong patunay na tayong mga Pilipino ay naniniwala na ang ating mga yumao ay ganap ng mga Santo sa templo ng ating Panginoon...

All Soul's day...November 2, araw ng mga kaluluwa...kung ating mapapansin kaunti na lang ang mga Pilipinong dumadalaw sa kanilang mga mahal sa buhay sa sementeryo sa araw na ito...bakit kaya? dahil kaya lumalabas ang multo sa panahong ito?...siguro nga...ang maniwala uto-uto... ahehehe...pero ang totoo nyan ang All Soul's day ay hindi All Ghost's day...walang ganun... ang All Soul's day ay posibleng araw ng mga yumao...pero sigurado ako na ito ang araw "mo"...oo tama! araw mo, araw ko, araw natin ito...bakit? may kaluluwa ka hindi ba? kung wala ka nun, hindi mo nga ito araw pero sigurado ako na hindi ka din tao...noong ginawa ko ang entry na may titulong "tao, tao saan ka gawa?"...sinabi ko na ang tao ay posibleng gawa lamang sa tuldok... pero hindi lang naman talaga iyon...dahil may mga "undefined" na bagay na nakapaloob sa atin...ito ang mahika ng espiritu...ang ating kaluluwa...ito ang dahilan kung paano tayo nabuo..ito ang dahilan ng pagkakalikha ng sangkatauhan...

all saint's day, all soul's day... anung tamang araw ba dapat ginugunita ang mga yumao?... hindi na siguro natin kailangan pa ng tamang araw... dahil ang pagpapahalaga at paggunita sa ating mga mahal sa buhay ay wala sa tamang araw kundi ito ay nasa tamang puso ng lubos na nagmamahal...

Happy Halloween! :)