Lumaktaw sa pangunahing content

...Batas ng Tao...

At tuluyan ng pinatawan ng parusang kamatayan ang tatlong Pinoy na ikinulong sa Tsina. Nakakalungkot nga lang isipin na sa kabila ng pakiusap ng gobyerno ng Pilipinas na bigyan ng pagkakataon sina Ramon Credo, Sally Ordinario Villanueva at Elizabeth Batain na hindi mahatulan ng parusang kamatayan at patawan na lamang ito ng mas mababang parusa, iginiit at ipinagpatuloy pa din ng Tsina ang pagbitay. Ipinagpatuloy ito dahil ito daw ang batas...no one is above the law ika nga. Parusahan ang nagkasala, pero kelan ba naging tama ang pagpatay sa kapwa? Kapag ikaw ba ay nahulihang nagdala ng droga tama bang paslangin ka na? Kapag ikaw ba ay pumatay ng kapwa dapat ka na bang patayin? Kapag ba ikaw ay ubod na ng kasamaan, dapat ka ng bitayin? HINDI! walang sinuman ang may karapatan na bumawi ng buhay ng kapwa gaano man kagaan o kabigat ang kanyang kasalanan kundi Diyos lamang. Kahit kelan hindi Diyos ang batas ng tao kaya wala itong karapatan na bumawi ng buhay ng sinuman.

Nakakalungkot nga lang isipin na pagkatapos ng pagbitay na ito, tuluyan na nga bang mawawala o malansag ang mga sindikato ng droga? Mabawasan kaya ang mga drug courier na wala ng magawa kundi ang kumapit sa patalim? Seryoso nga ba talaga ang Tsina sa kanilang direktiba sa paglansag ng drug trafficking o baka ang maliliit na mga courier lang ang kaya nilang parusahan at hindi ang pinuno ng mga sindikato? May marinig kaya akong balita tungkol sa pinuno ng West African Syndicate LEADER na bibitayin?

Hindi Pilipinas ang Tsina, kaya kung sakaling may mahuli tayong Chinese drug courier, bibitayin ba natin ito?  Hindi syempre, wala na tayong ganun parusa. Makatao na tayo.  Kung sakaling may mahuli nga tayo posible nga na palayain lang natin ito, pagmultahin na lang at pwede din natin itong patakbuhin sa pulitika.

Naisip ko lang, bakit kaya ang mga taong wala o magaan lang ang kasalanan ay madaling parusahan samantalang ang mga taong nuknukan ng kapalaluan ay hindi mapatawan ng parusa? Batas kasi ng tao ang sinusunod. Basta may koneksyon ka, pera at pangalan, lulusot ka sa kahit anong kasalanan.  At ang hustisya? para lamang sa nagwawagi...Justice are for the winners sabi nga nila.

Kailan kaya gagawing batas ang Pag-ibig?

(*R.I.P. Ramon Credo, Sally Ordinario Villanueva and Elizabeth Batain*)

Mga Komento

  1. Nang dahil sa balitang ito, medyo naguluhan din ako. Ano ba ang stand ko sa death penalty? Di ko alam. I think that guilty criminals really do deserve death.. they destroy lives. Pero syempre, sino ba naman ako para sabihing guilty sila? Na hatulan sila ng kamatayan? God has given us life, only HE can take it away. And only HE can pass judgement.

    Pero hindi ako magpapa ipokrita. Sometimes, di ko lang mapigilan sarili ko.. I wish na mamatay na silang lahat, those people who detroy and take lives really deserve death.

    Hay ewan.. :(

    http://angpangalankoayleah.blogspot.com/2011/03/wednesday-march-30-execution.html

    TumugonBurahin
  2. prayers na lang magagawa sa soul ng 3 pinoys na nabitay.

    TumugonBurahin
  3. Sa likod nito ay mahalagang aral.
    Be blessed po!

    TumugonBurahin
  4. nagpost din ako upang humingi ng panalangin bago pa man mabitay ang ating kababayan. Nakakalungkot isiping talagang pinanindigan ng bansang tsina ang pagbitay.

    ano ang posibleng idulot nito sa atin. Negatibo ang aking nakikita... hindi kadadalaan ng ating kababayan ang nangyari, dahil sa kahirapan.. kahit anong klaseng pagkapit sa patalim ating ginagawa.

    Sa ating mga kababayan, panalangin na lang natin sila. Hindi maiiwasan, magkakaron ng galit sa ating saloobon sa lahiing intsik. Hayaan na natin ang Diyos sa kanila

    TumugonBurahin
  5. nkakalungkot naman.. haisst :(

    TumugonBurahin
  6. Nalulungkot din ako...

    TumugonBurahin
  7. Nice blog bro, comment ka din sa akin ha..eto blog ko..batas ng tao, iba na topic mo ngayon ha..COOL ka talaga..

    TumugonBurahin
  8. ganyan talaga. pero ako naniniwala na Diyos lamang ang pwedeng kumuha ng buhay at hindi ang tao

    TumugonBurahin
  9. napatunayan man o hindi,... hanga ako sa China.. pasensya na po... hindi ako galit sa tatlong nahatulan.. pero hanga lang talaga ako sa sa china.. kasi nagawa nila ang gusto niola... sa Pinas.. ilang chinese na ang nahuling drug lord.. kaso wala rin nangyari... yun lang ang punto ko.. anyway.. I.R.P sa tatlo...

    TumugonBurahin
  10. walang konsensya ang nagparusa.......ako din may sinulat tungkol sa nangyaring pagbitay..

    TumugonBurahin
  11. sabi daw mapagmahal ang mga pilipino... marunong makalimot..marunong magpatawad.. lahat ng issue ng mga kilalang tao (katulad ni willie) eh madali lang nakakalimutan ng tao. Kaya ang sakit naman nitong ginawa ng tsina.. goodluck sa mga singkit na nagtitinda sa divisoria.. badtrip sila.. joke. pero may nagsasabi na ganti lang daw ng tsina yun kase..kase... di ba dahil sa holdapan sa luneta.

    TumugonBurahin

Mag-post ng isang Komento

Mga sikat na post sa blog na ito

...Jeepney...

...sarao, mega, armak, malagueña, hebron, at marinel...pamilyar? ...oo, tama mga kilalang pangalan yan sa produksyon ng mga jeepney na pumapasada sa kalakhang Maynila at iba't ibang dako ng Pilipinas...hindi ko nga lang alam kung patuloy pa din ang kanilang pananatili sa merkado... matapos tumumal ang paggamit ng kalesa na syang dating simbulo ng transportasyon ng Pilipinas, naging kultura na nga pilipino ang paggamit ng jeepney... ang mga dating kutsero ay nagsimula ng mag-aral ng pagmamaneho ng jeep at dahil sa may mga pagkakataon na namimiss nila ang kanilang mga kabayo na idinoneyt sa Sta. Ana at San Lazaro, naglagay na lang sila ng pigura ng mga kabayo sa unahan ng jeep...totoo, masyadong senti ang mga Pilipino pagdating sa mga bagay na nakasanayan na... hindi nya ito agad binibitawan hanggang matutunang iayon ang sarili sa dapat nyang malaman... matapos ang ikalawang digmaang pandaigdig at paglisan ng mga Amerikano sa bansa...ang tira-tirang Jeep na ginamit sa digmaan ay mu

...the golden rule...

[repost by request].... mula ng magawa ko ang entry na " Time for Sale ", kung saan pinaliwanag na ang oras ay hindi lang ginto (time is gold)...nagkainteres din ako sa konsepto ng Golden Rule... malamang sa malamang sobrang familiar na tayo sa konseptong ito...ano nga ba ang golden rule?....ang sabi sa bible: "Do unto others as you would want done unto you." (Mt 7:12/Lk 6:31) ang sabi naman sa Budismo: "Putting oneself in the place of another, one should not kill nor cause another to kill" ( Harris E.J. 1997 ) ...halos ganito din ang mga konsepto ayon sa Confucianismo: "Never impose on others what you would not choose for yourself" (Confucius, Analects XV.24, tr. David Hinton) ...maging sa Islam ito rin ang sinasabi, sa katunayan isang sermon ni Muhammad na tinagurian The Farewell Sermon ay sinabi nya: "Hurt no one so that no one may hurt you" ...marami pang mga mga organisasyon at relihiyon sa mundo ang naniwala sa k

Bukang-Liwayway

Mabilis na pumaindayog at lumayag ang mahigit sangdaang milyong segundo na puno ng pananabik sa biyayang sa puso inukit. Matapos ang takip-silim at anino ng kalungkutan, muli ng magtatagpo ang araw at kaparangang pinaglayo ng pag-inog ng daigdig. Isangdaang libong minuto na lamang ang nalalabi at muli ng matatanaw ng kaparangan ang araw na nagtago sa likod ng daigdig. Araw na milyong milya ang tinahak para sa kaparangan nyang iniibig. Sinuong ang bangis ng mga ulap at lason ng hangin upang tuparin ang pagyakap sa kaparangang naghihintay sa pagsapit ng bukang-liwayway. Sa pagyakap ng sinag ng araw sa kaparangan at paghalik ng kaparangan sa araw, doon muling magsisimulang pumitak ang oras. Pagpitak ng kaligayahan na sa alapaap manunulas, iikot, magpupumiglas. Kaligayahang walang katumbas, hindi mailalarawan ng saknong, talata at rehas ng mga salita. Hangin ay iihip tulad ng haranang dalisay sa katapatan at pagmamahal para sa kanyang nililiyag. Hanggang sa wakas.