..numero...

[oooopppsss...wag mo po munang pindutin ang back button o ang eks button...basa po muna tayo...wag pong mag-alala ang susunod na aking ibabahagi ay hindi nakakapagpadugo ng ilong...enjoy.. ^_^]

....sa basketball court....

[Xiantao: yet,di ba may alam ka sa thesis?.. tulungan mo naman ako....
Ako: Oo ba...walang problema...anu ba title ng thesis mo?
Xiantao: Wala pa nga eh, ei yung sa iyo ano ba ang title ng thesis mo?
Ako: ei hindi yun makakatulong sa pag-iisip ng title mo kung sasabihin ko man yung title ng thesis ko...
Xiantao: ano ba kasi yun?
Ako: (*peste ito at talagang pinilit ako*) ang kulit... "Characterization of Non-associative Finite Invertible Loops of Order 7 with 5 and 7 Self-inverse Elements"
Xiantao: ha? (*tulala na parang nabigla*)... ano ba ang course mo?
Ako: BS Mathematics...
Xiantao: Wow! kaya naman pala eh... eh di ang galing mo pala sa numbers?
Ako: bobo ako sa numbers, mahina ako sa arithmetic...
Xiantao:?????
(*napakunot noo na lang sya at napakamot sa ulo...nag-iisip na baka ginu-gudtym ko lng sya)]

...pero sa totoo lang, mahina talaga ako sa numero... kung magaling ako sa numero, hindi BSMath ang kursong kukunin ko, siguro mag-aacounting na lang ako... minsan naiinis na din ako sa mga tao, lagi na lang nila ako pinagkakamalang weirdo...inaakala na close kami ng mga numbers na yan...inaakala na sa isang tingin ko lang kaya ko ng mag-compute na parang scientific calculator... pero hindi...tao kaya ako... tulad nyo mahina din sa numero...

..noong 1st year high school ako, tinanong ako ng math teacher namin..."what is number?", sabi niya... "mam, wala po", sabi ko... "anong wala, ang number ay wala?"...galit na siya nun...inde ko din talaga alam ang sasabihin ko pero para sa akin "wala" lang ang isang numero...dahil nga sa hindi ko nasagot ang tanong nya...lagi na lang niya akong pinapatayo sa klase, pinaglihian pa yata ako....at pagkatapos nun, ang final grade ko sa kanya ay tumataginting na 78...takte na yan!..ito ang nag-iisang line of 7 na grade ko noon high school at elementary...

..bakit nga ba ako mahina sa numero?...hindi kasi kami close, hindi din ako familiar... sa totoo lang, nakapagtapos ako ng high school na hindi kabisado ang multiplication table...at ngayon graduate na ako sa kolehiyo, hirap pa din ako sa tables of 6, 7 at 8... pero masasabi ko din na marunong ako Math...weird no?

...ang math ay hindi lahat tungkol sa numero at gamit nito...maraming pang mga ibang disiplina na nakapaloob dito...ang iba sa atin ay ayaw talaga ng math..."takte! bakit pa nauso ang math?, kung bibili ka ba sa tindahan sasabihin mo ba na..pabili nga ng logarithm of xy na bigas, samahan mo na din ng derivative of y raise to five na kilo ng baboy, ...tapos sasagot ang tindera ng....o ito ang sukli, di-nefferentiate ko na yan at ini-lowest term"...kung ganito ang mundo sigurado ayaw na nating mabuhay...pero mahalaga talaga ang math...dito kasi tayo lahat nagmula...pinaliwanag ko na ito sa aking nakaraang entry na tao tao saan ka gawa?...pinaliwanag na hindi totoo ang theory ni Charles Darwin na ang tao ay hindi nagmula sa unggoy o garapata...

...katulad ng mga sikat na sina Thales, Pythagoras, Euclid, Newton at Einsten...naniniwala din ako na lahat ng bagay buong Universe ay maaring ipaliwanag sa pamamagitan ng Matematika...

...balik tayo sa usapang numero...dito kasi ako mahina... balik din tayo sa tanong dati ng teacher ko..."What is number?"... ginagamit ito sa pagtaya sa lotto...at pagtama ang napili mo..yayaman ka... pero bakit hindi ko sya makabisado...mahirap hindi ba?...tapos meron pang iba't ibang operations...naging komplikado na... para kasi sa akin ang numero ay parang tao, isang ideya, may sariling pangalan, may sariling pakakakilanlan... kung ang tao nga ay may iba't ibang pangalan, may iba't ibang itsura na tulad ng numero, makakabisado mo kaya silang lahat?

...ang numero ay isang ideya na inirerepresenta ng mga numerals....hindi ito nakikita tulad ng mga ideyang laman ng iyong utak...katulad ng mga letra na bumubuo ng mga salita na nagbibigay kahulugan...pero hindi tulad ng mga titik sa alpabetong pilipino na 28 lang sila, 26 sa English, sabihin na nating 30 ang letra sa German, at 20 sa irish... mas malawak pa din ang sakop ng mga numero, wala itong katapusan, infinite tulad ng kalawakan...wala din itong simula o wakas.... matanong nga kita? alam mo ba ang value ng pinakamataas na number?... wala akong maisip dahil sa twing may maiisip ako, magdadag lang ako ng 1 ay mas mataas na ito... at bukod pa sa mga iyan, katulad nating mga tao na maraming uri ng mundo ...ganun din ang numero, meron itong real at imaginary world at iba pang mundo... at ngayon masisisi nyo ba ako kung bakit sinasabi kong mahina ako sa numero?

isa pong riddle para sa lahat na related sa numero at araw ng puso:

"I am first before fifty Romans, nothing left except five Romans, inverse three and you will be the last."

(hint 1: ang Romans po na tinutukoy ko dyan ay roman numerals e.g. I, II, III, IV, V, X, L, C, D)
(hint 2: ang riddle na yan ay effective gawin para sa mga nanliligaw at swak din pra sa may mga date ngayong araw ng mga puso..)