...mag-enjoy kay enjoy...

paumanhin po sa lahat...akin pong ipagpapatuloy ang kwentong "lilok: ang pagpapatuloy", sa sabado...kung nabitin kayo...ako din... kung nadurog ko ang inyong mga puso dahil sa mga pangyayari sa buhay nila Marie at Lita sa mga tagpo sa "lilok" at "lilok: ikalawang yugto", patawad...hindi ko din inakala na ganun ang magiging takbo ng istorya... sa mga bata, R18 ito, lagot ako sa mga nanay at tatay nyo...kaya patago nyo lang basahin...ssssshhhh..

...pansamantala ko munang puputulin ang aking kwentong lilok: ang pagpapatuloy upang bigyan daan ang tag na ito ni enjoy....salamat... At dahil nga daw ito ay ang kanyang kauna-unahang award/tag na natanggap, nakonsensya naman ako na hindi gawin ito... at kahit na madami na akong naibulgar tungkol sa akin, muli hindi pa naman ako nauubusan ng angas sa aking pagkatao.... bago pa man ang mga istoryang iyon, halina't samahan nyo ako...mag-enjoy sa tag ni enjoy...

[EDIT]: akin din pong pinasasalamatan si Rizza ng Journey sa pagsasama din sa akin ng Tag/Award na ito...salamat... :)

ito ang daw ang rules:

When accepting this auspicious award, you must write a post bragging about it, including the name of the misguided soul who thinks you deserve such acclaim, and link to said person so everyone knows he or she is real. Choose a minimum of 7 blogs that you find brilliant in content or design. Or improvise by including bloggers who have no idea who you are because you don’t have 7 friends. Show the 7 random victims’ names and links and leave a harrassing comment informing them that they were prized with “Honest Weblog”. Well, there’s no prize, but they can keep the nifty icon. List at least 10 honest things about yourself. Then pass it on!

At dahil English ang instructions, hindi ko siya naintindihan na kailangan itong ipasa sa 7 nilalang... patawad kung lalabagin ko ang ilang batas ng tag na ito ngunit gagawin ko naman ang pinakamahirap na parte nito na mag-lista ng "10 honest things about yourself"....pang-4 ko na itong pagpapakilala... mas kilala nyo na nga yata ako kaysa sa nanay ko... :)... tama na nga ang satsat, ito na sya...

1. Kung 24 oras ang meron sa isang araw, 6-7 hours lang ako natutulog, 2 hours sa paggawa ng ilang bagay...yung ibang oras, nasa harap ako ng computer....naglalaro, nagtratrabaho, nagbloblog, nanoood...basta nakaharap sa computer...

2. Napagkamalan akong Alien noong high school pero tao talaga ako. Nagawa kong i-perfect ang dalawang periodical exam sa math noong 4th year high school ako. Doon ko unang maranasan ang ma-discriminate sa isang math contest sa loob ng school, hindi ako pinasali ng teacher ko...takte!

3. Kalakasan kong maglaro ng basketball noong 2004... kaya kong tumagal ng 12 hours ng paglalaro ng tuloy-tuloy sa ilalim ng mainit ng sikat ng araw, inom lang ng tubig ang pahinga...

4. Naniniwala ako na hindi lang ang hugis bilog ang gumugulong.

5. Naniniwala din ako na likas sa mga babae ang mag-multi tasking...kaya nilang iproseso sa kanilang utak ang mga bagay ng sabay-sabay...sa kabilang banda, likas sa mga lalaki ang gawin ang isang bagay ng buong focus, isa-isa lang pero kumpleto ang atensyon...

6. Allergic ako sa masasarap na seafoods...tahong, hipon, pusit, alimango... hindi ako kumakain nyan... nasusuka ako pagnakakain ako...pero nagprapraktis na ako ngayon sa pagkain ng tahong at hipon...

7. Sa lahat ng mga nagsabing gwapo ako...si Grasya lang ang pinaniwalaan ko...

8. Mas madali kong makasundo ang mga babae kaysa lalaki... issue ng pride at ego yun...

9. Hindi ko ugali ang magtanong, kahit naliligaw na ako...

10. Libangan ko ang tumunganga...

gusto mong gumawa? sige kuha lang.. :)